Arýjan Saǵyndyqova: Tennısten el namysyn qorǵaý – úlken qurmet

<p>Ispanııanyń Sevılıa qalasynda 7-12 qarasha aralyǵynda ótetin komandalyq álem chempıonaty &ndash; Billie Jean King Cup fınaldyq kezeńine alǵash ret qatysatyn Arýjan Saǵyndyqova óz pikirin bildirdi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Arýjan Saǵyndyqovanyń aıtýynsha, Sevılıaǵa 3 qarasha kúni ushyp kelip, 4-inen bastap jattyǵýlaryn ótkizgen.

«Biz aýa raıyna úırenip, kortqa beıimdeldik. Bıylǵy sáýir aıynda ulttyq qurama sapynda alǵash ret óner kórsetip, Polshany jeńgennen keıin fınaldyq kezeńge joldama aldyq. Komanda kapıtany ıAroslava Shvedovaǵa alǵysym sheksiz, onyń senimin aqtap, quramaǵa upaı áperýge tyrysamyn. Aýstralııa men Slovenııamen matchtyń óte qıynǵa túsetini anyq. Kezdesýlerdi jaqsy bastap, jeńiske jetý úshin dene daıyndyǵymen qatar, psıhologııalyq turǵyda kúshti bolý qajet. Slovenııa bastapqy matchta Aýstralııany utyp, kútpegen nátıjege qol jetkizdi deýge bolady. Bul komandalyq dodada osal qarsylastyń joq ekendigin kórsetedi. Sondyqtan qaı oıynda da bar kúshimizdi salatyn bolamyz», dedi A.Saǵyndyqova.

Eske sala keteıik, budan buryn jyldyń qorytyndy týrnırinen keıin Elena Rybakınanyń reıtıngtegi orny anyqtalǵanyn jazǵan bolatynbyz.