Artyq jumys isteıtin aqmolalyq memqyzmetshilerge quqyqtary túsindirildi
QR Memlekettik qyzmet isteri agenttigi Aqmola oblysy boıynsha departamenti memlekettik qyzmet salasyndaǵy baqylaý basqarmasynyń basshysy Qaıyrjan Sultanǵazıevtiń aıtýynsha, departament tarapynan KEBJ (kirgizýdi esepke alýdy baqylaý) júıesiniń málimetterin zertteý, profılaktıkalyq monıtorıng júrgizý arqyly memlekettik qyzmetshilerdiń ústeme jumys jasaý oqıǵalarynyń aldyn alý boıynsha josparly sharalar júrgizilýde.
«Profılaktıkalyq sharalardyń qorytyndylaryna sáıkes memlekettik qyzmetshilerdiń ústeme jumys jasaýynyń derbes oqıǵalary anyqtaldy. Mysaly, aǵymdaǵy jyldyń aqpanyndaǵy KEBJ málimetterine sáıkes memlekettik qyzmetshilerdiń saǵat 18:30-dan ári qaraı jumys oryndarynda qalý ýaqyty shamamen 70 saǵatty qurap otyr. Barlyq materıaldar ústeme jumystyń sebepterin anyqtap, tıisti sharalar qabyldaý úshin eńbek ınspektsııasyna jiberildi» - deıdi Q.Sultanǵazıev.
Vedomstvonyń baspasóz qyzmetinen atap ótkendeı, taldaý nátıjelerine sáıkes memlekettik organdarda jumys ýaqyty aıaqtalǵannan keıin jumys ornynda qalý, sonymen qatar demalys jáne merekelik kúnderi jumysqa shyǵý oqıǵalary tirkelgen. Olardyń qatarynda qyzmetkerler arasynda júktemeniń birkelki bólinbeýi, jumys ýaqytynyń tıimsiz paıdalanylýy, basshylar men joǵary turǵan memlekettik organdardyń qysqa merzim ishinde oryndaýdy talap etetin «shuǵyl» tapsyrmalary bar.
«Ákimshilik quqyq buzýshylyq týraly» kodekste ústeme jumysqa, mereke jáne demalys kúnderindegi jumysqa aqy tóleý, sondaı-aq túngi ýaqyttaǵy eńbekke aqy tóleý jónindegi eńbek zańnamasynyń talaptaryn buzǵany úshin aıyppul túrinde laýazymdy tulǵalardyń jaýapkershiligi qarastyrylǵanyn atap ótken jón. Bul rette, eger jumystan tys ýaqytta, demalysta nemese merekelik kúnderi jumysqa shyǵý qajettiligi týyndasa, onda zańnamanyń talaptaryna sáıkes jumysshynyń jazbasha kelisimi alynyp, sáıkestendirilgen buıryq shyǵarylýy tıis. Mundaı jaǵdaılarǵa epıdemıologııalyq, tótenshe, tabıǵı, tehnogendi jaǵdaılar, tabıǵı apattar jáne ýákiletti organdardyń shuǵyl áreket etýin talap etetin basqa jaǵdaılar jatady.
«Zańnama talaptaryna sáıkes keıinge qaldyrýǵa kelmeıtin, aldyn ala boljamdaý múmkin emes jumystardy atqarý úshin memlekettik qyzmetshiler Qazaqstan Respýblıkasynyń eńbek zańnamasyna sáıkes ústeme jumysqa, ne bolmasa demalys jáne merekelik kúnderi jumysqa tartyla alady. Bul jaǵdaıda olarǵa demalys kúnderi (saǵattary) beriledi nemese jumys memlekettik qyzmetshilerdiń eńbekaqy tóleý júıesine sáıkes óteledi», - dep tolyqtyrdy Qaıyrjan Sultanǵazıev.