Artýr Platonov qazaqstandyq bılik tranzıtiniń ereksheligine qatysty pikir bildirdi

NUR-SULTAN. QazAqparat – QR Parlament Májlisiniń depýtaty Artýr Platonov eldegi «qos bılik» qaýesetine qatysty pikir bildirdi, dep habarlaıdy QazAqparat tilshisi.

«Qos bılik degen ne? Bul jaǵdaı bir adam eldi bir jaqqa, al ekinshisi basqa jaqqa tartqan kezde oryn alady. Eger de Qasym-Jomart Kemelulynyń saılaýaldy uranyn eske alsaq, onda birinshi pýnkt sabaqtastyqqa qatysty. Biz saıasatta barlyq strategııalyq ári áleýmettik baǵdarlamalarda júıeli múltiksiz baǵytty kórip turmyz. ıAǵnı, syrtqy jáne ishki saıasatqa, adamdar ál-aýqatynyń ary qaraı ósimine qatysty kózqarasta tolyqtaı yntymaq men birlik qalyptasqan. Bul óz kezeginde saıasattyń negizi», - dedi A. Platonov Parlament Májilisinde tilshiler saýalyna jaýap bere otyryp.

Onyń paıymynsha, bılik tranzıti – ol kez kelgen memleket úshin mazasyz kúı keshtiretin sát.

«Álemde dál osy sátte kúrdeli ári boljap aıtýǵa bolmaıtyn oqıǵalar bolyp jatqanyn kórip júrmyz. Bul turǵyda qoǵamnyń jikke bólinýi men qaqtyǵys jaǵdaıynyń týyndaýy, sondaı-aq keı kezderde eldiń tutastyǵynan, táýelsizdiginen aıyrylýy sekildi qıyn ahýal oryn alady. Sondyqtan da Elbasy Nursultan Ábishuly Nazarbaev usynǵan beıbit ári salmaqty bılik tranzıti kóbisi úshin úlgi bolarlyq qubylys. Atap aıtqanda, búginde osy modeldi sarapshylar zerttep jatyr. Kez kelgen memleket úshin jaýapty jáne tarıhı osy sátte tıisti saıasatty júrgizý mańyzdy. Memlekettegi birlik pen yntymaq, sondaı-aq el halqynyń múddesi úshin táýelsiz saıasattyń júrgizilýi keıbireýlerine unamaýy múmkin», - dedi depýtat.