Artsport jobasynyń kemshiligin túzetip, jalǵastyrý qajet - Prezıdent
«Kelesi másele – qosymsha bilim berý. Bul – óskeleń urpaqtyń qarym-qabiletin damytý úshin qolǵa alynǵan bastama. Qosymsha sporttyq jáne shyǵarmashylyq bilim berý isine memleket tapsyrysy boıynsha qarjy bólinetin boldy. Bul qadam úıirmeler men sektsııalarǵa qatysatyn balalardyń sanyn 70 paıyzǵa deıin arttyrdy. Muny strategııalyq turǵydan durys sheshim boldy dep sanaımyn», - dedi Memleket basshysy.
Degenmen, QR Prezıdenti joba iske qosylǵan jyly birqatar olqylyqtarǵa jol berilgenine nazar aýdartty
«ıAǵnı, qarjy máselesine jáne tıisti portaldyń, «Artsport» jumysyna qatysty qatelikter boldy. Qarjyny artyq jumsaý, alaıaqtyq, ashyqtan-ashyq jymqyrý bastaldy. Ata-analar balalaryn birden birneshe úıirmege beretin boldy. Ókinishke qaraı, mundaı teris pıǵyl basqa balalardyń jolyn kesip otyr. Kemshiliktiń bárin túzetip, osy ıgi bastamany jalǵastyrý qajet», - dedi Qasym-Jomart Toqaev.
Memleket basshysy ákimdikter jáne máslıhattar qosymsha bilimge bólinetin bıýdjet qarajaty jetpeı qalýy múmkin dep alańdap otyrǵanyna toqtaldy.
«Bilimge salynǵan qarajat – memleket úshin eń basty ınvestıtsııa bolýy kerek. Bul – óte mańyzdy másele. Túptep kelgende, damýdyń birden-bir joly – bilim salasy. Sondyqtan, budan eshkim utylmaıtyny sózsiz. Úkimet pen ákimder jurtshylyqpen birlesip, jobany jetildirýge tıis», - dedi Prezıdent.