ART Turkistan halyqaralyq óner festıvali qorytyndylandy
«Farab» ámbebap ǵylymı kitaphanasynyń kórme zalynda festıval aıasynda ótken «Túrkistan – túrkilerdiń tumary!» sýretshiler sımpozıýmynda jazylǵan shyǵarmalarynan jáne mýzeı qoryndaǵy saraptamadan ótken týyndylardan kórme jasaqtaldy.
Sharaǵa Túrkistan oblysy mádenıet jáne týrızm basqarmasy basshysynyń orynbasary Ádil Qonysbekov, shetel sarapshylary men el zııalylary, qylqalam sheberleri, elimizdegi jáne oblystaǵy mýzeı basshylary men qyzmetkerleri qatysty. Basqarma basshysynyń orynbasary Ádil Nurjanuly sharany ashyp berip, júrgizip otyrdy.
«ART Túrkistan» halyqaralyq óner festıvaliniń ónertanýshy sarapshylary qatarynda Ázerbaıjan Respýblıkasy Mádenıet mınıstrligi janyndaǵy Mýzeı qundylyqtary men biregeı jádigerlerdi ǵylymı restavratsııalaý ortalyǵynyń dırektory Zarıfa Malıkova, Qyrǵyzstan halyq sýretshisi, akademık, professor ıÝrıstanbek Shygaev, Qaraqalpaqstandaǵy I.V. Savıtskıı atyndaǵy beıneleý óneri mýzeıi «Beıneleý óneri» bóliminiń meńgerýshisi Irına Petrýshına, A.S. Pýshkın atyndaǵy Memlekettik Beıneleý óneri mýzeıi «qalypqa keltirý» bóliminiń meńgerýshisi, RF Eńbek sińirgen mádenıet qaıratkeri, RF Mádenıet mınıstirliginiń qalypqa keltirýshi attestattaý múshesi Igor Borodın, A.S. Pýshkın atyndaǵy Memlekettik beıneleý óneri mýzeıiniń stanokty maıly keskindemeni qalypqa keltirýshi sýretshisi Nıkolaı Kolesnıkov, Reseı óner akademııasynyń korrespondent múshesi, Memleketaralyq «Sodrýjestvo» jýrnalynyń bas redaktory Andreı Blıok, Ankara memlekettik halyq óneri horynyń dırektory Aıshegıýl Chalyshkan, QR Mádenıet salasynyń úzdigi, sýretshi, ónertanýshy Dınara Núger, Ónertaný ǵylymdarynyń kandıdaty, professor, sýretshi Janarbek Beristen bar. Olar bes kún boıy sýretshilerdi baqylaýmen qatar, mýzeı qoryndaǵy kóne jádigerlerge saraptama jumysyn jasady.
Sondaı-aq, festıvalge elimizdiń ózge de oblystarynan kelgen mýzeı basshylary da – Sh. Sarıev atyndaǵy Atyraý oblystyq Óner mýzeıiniń dırektory Tólegen Orynbasaruly, Shyǵys Qazaqstan óner mýzeıi ekspozıtsııalyq kórme bóliminiń meńgerýshisi Esenbol Nahdýbaı, Aqtóbe oblystyq óner mýzeıiniń dırektory Marat Gabdrahmanov, Qaraǵandy oblystyq beıneleý óneriniń basshysy Bıbigúl Qudabaeva, N. Naǵymbek atyndaǵy Pavlodar oblystyq kórkemsýret mýzeıiniń dırektory Aqertis Soltanbaev syndy tulǵalar baıandama jasap, alda turǵan birqatar mindetti talqylady.
Shara barysynda sýretshiler sımpozıýmynyń qatysýshylary, Qazaqstannyń eńbek sińirgen qaıratkerleri marapattaldy. Olar 10 kún boıy Túrkistan tarıhy týraly úlken kólemdi sýret salyp, mýzeı qoryna tabystady.