Arshalyda jol jóndeýge 1 mlrd teńgeni bir kózden bermek bolǵan sheneýnik jumystan qýyldy
Aqmola oblystyq prokýratýrasy baspasóz qyzmetiniń málimetinshe, «Memlekettik satyp alý týraly» QR Zańynyń 13-babynyń 3-tarmaǵyna sáıkes memlekettik satyp alý osy zańda kózdelgen jaǵdaılardy qospaǵanda, memlekettik satyp alý veb-portalynda júzege asyrylady.
«2022 jyldyń 29 sáýirinde aýdandyq turǵyn úı-kommýnaldyq sharýashylyq, jolaýshylar kóligi jáne avtomobıl joldary bólimi uzyndyǵy 15 shaqyrymdy quraıtyn «Ekaterınbýrg-Almaty» avtobanynan Bersýat aýylyna deıingi jolǵa kúrdeli jóndeý júrgizýge memlekettik satyp alý boıynsha ashyq konkýrs jarııalady. Alaıda, sol jyldyń 18 mamyrynda atalmysh bólim basshysy zańdy negizsiz atalǵan konkýrsty ótkizýden óz betinshe bas tartty. Bul rette tikeleı shart jasasý arqyly bir kózden alý tásilimen 1 mlrd teńgeden astam somaǵa «Eńbek» ShJQ RMK-men joldy kúrdeli jóndeýge shart jasasý týraly zańsyz sheshim qabyldady», - dedi vedomstvodan.
Osy rette aýdan prokýratýrasy qabyldaǵan sharalardyń nátıjesinde zańsyz konkýrstyń kúshi joıyldy, shart buzyldy, sondaı-aq Arshaly aýdany TKSh bóliminiń basshysy memlekettik qyzmetke kir keltiretin tártiptik teris qylyq jasaǵany úshin jumystan shyǵaryldy.
Aıta ketsek, Kókshetaýda zańsyz berilgen jer ýchaskesi memleketke qaıtaryldy.