Arshaly mańynda qarǵa turyp qalǵan qalamańy avtobýsyndaǵylar qutqaryldy

NUR-SULTAN. QazAqparat – Arshaly mańynda qarǵa batyp qalǵan marshrýttyq avtobýs jolaýshylary kómekke kelgen jolshylarǵa alǵys aıtty, dep habarlaıdy QazAqparat QR IIDM Telegram arnasyna silteme jasap.

«Nur-Sultan - Temirtaý» avtojolynda, atap aıtqanda, Arshaly aýylynyń mańynda aýa raıynyń buzylýyna baılanysty nómir 315 marshrýttyq avtobýstyń júrgizýshisi kólikti basqara almaı, joldan shyǵyp ketip, úıilgen qarǵa batyp qalǵan. Shaqyrýǵa dereý jetken jolshylar avtobýsty qar qursaýynan shyǵaryp, jolaýshylardy jylytý pýnktine jetkizdi», delingen habarlamada.

Qalamańyna qatynaıtyn avtobýstaǵy áıeldiń aıtýynsha, qoǵamdyq kólik joldan taıyp shyǵyp ketip, qalyń qar qursaýynda qalǵan. Kómekke kelgen «QazAvtoJol» qyzmetkerleri tehnıka kúshimen jáne qolyna kúrek alyp qoǵamdyq kólikti qardan arshyp, shyǵaryp alǵan.