Arshaly aýdanynyń bes aýylynda sýdan qaýip bar

<p>ASTANA. KAZINFORM &ndash; Aqmola oblysy Arshaly aýdanyna qarasty aýyldardan qar sýy úzdiksiz syrtqa shyǵarylyp jatyr. Bul rette, aýdan ákimdigi qar sýynan aıtarlyqtaı qaýip joq ekenine sendirdi. Agenttik tilshisi Jibek joly aýylyndaǵy sý tasqynynyń aldyn alý sharalarynyń barysymen tanysyp qaıtty.</p>

Arshaly aýdany ákiminiń orynbasary Erjan Jolymbetovtiń aıtýynsha, Jibek joly aýylynda 3 shaǵyn aýdan qaýipti retinde tirkelgen.

«Búginde 18 assenızator kóligi jáne 7 motopompa jumyldyrylyp, oblystan 25 tótenshe qyzmetkeri tartyldy. Bul aýylda 11200 adam turady. Sý basý qaýpi bar 20 úı baqylaýǵa alyndy», - deıdi E.Jolymbetov.

Jalpy, aýdan boıynsha Arshaly, Jibek joly, Jaltyrkól, Eltoq jáne Konstantınovka aýyldary sý basý qaýpi bar eldi mekender retinde tirkelgen.