«Arsenal» 2023 jylǵy Anglııa sýperkýbogynyń ıegeri atandy

ASTANA. QazAqparat - «Arsenal» fýtboldan Anglııa sýperkýbogynyń ıegeri atandy. Londondyq klýb «Manchester Sıtı» komandasynan basym túsip, kýbokty tóbesine kóterdi, dep habarlaıdy QazAqparat tilshisi.

Kezdesýde komandalar bir-biriniń qaqpasy mańynda jıi boı kórsetti. Nátıjesinde 77-mınýtta manchesterlik klýbtyń 21-jastaǵy oıynshysy Koýl Palmer esep ashyp, óz ujymyn jeńiske jaqyndata túsken edi. Oǵan londondyq fýtbolshylar laıyqty jaýap berdi.

Oıynnyń sońǵy mınýttarynda «Arsenal» alǵa qaraı lap qoıdy. Tarazy basyn teńestirýge umtylǵan olardyń oılaǵany júzege asty. Olardyń qatarynan Leandro Trossard 100-mınýtta kózdegen nysanadan múlt ketken joq.

Osylaısha oıynnyń negizgi kezeńi 1:1 esebimen teń aıaqtalyp, jeńimpaz penaltı serııasynda anyqtaldy. Bul joly «Arsenal» oıynshylary tórt márte qaqpany dál kózdese, oǵan manchesterlik klýb bir ǵana golmen jaýap qaıyrdy.

Nátıjesinde londondyq klýb 2023 jylǵy Anglııa sýperkýbogynyń ıegeri atandy. Olar mundaı joǵary marapatqa 17 márte ıe bolyp otyr.

Eske salsaq, áıgili qaqpashy Býffon fýtboldan ketkenin málimdedi.