«ArselorMıttal Temirtaýdyń» elden ketýi shahterler jalaqysyna áser ete me

<p>Qaraǵandy oblysynyń ákimi Ermaǵanbet Bólekpaev shahterlerdiń jalaqysy men jumys berýshiniń áleýmettik mindettemeleri jónindegi boljamdar men qaýesetterge qatysty jaýap berdi, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform tilshisi.</a></p>

Menshik ıesiniń aýysýy kompanııanyń ujymdyq shart sheńberindegi mindettemelerin oryndaý boıynsha barlyq jaýapkershilikti alyp tastaıdy degen boljamdar men qaýesetterdi joqqa shyǵarǵym keledi. Menshik ıesiniń ózgerýi jalaqy mólsheri men kásiporyn jumysshylary aldyndaǵy áleýmettik mindettemelerge esh áser etpeıdi», - dedi E. Bólekpaev Qaraǵandy oblysynda ótken brıfıngide.

Ákimniń aıtýynsha, barlyq qyzmetterdiń is-qımylyn úılestirý úshin jedel shtab qurylǵan.

«Aldyn ala boljamymyz boıynsha, lavada órt tutanǵan. Jer astynan 252 kenshiniń 208-i shyǵaryldy. Olardyń 18-i medıtsınalyq kómekke júgindi. Zardap shekkenderdiń barlyǵy medıtsınalyq baqylaýda. Prokýratýra organdary sotqa deıingi tergep-tekserýdi bastady, jaýapty tulǵalardy anyqtaý maqsatynda apat sebepterin izdeıtin úkimettik komıssııa jumys isteıdi. Іzdeý-qutqarý jumystary jalǵasyp jatyr. Prezıdent 29 qazandy Jalpyulttyq aza tutý kúni dep jarııalady», - dedi oblys ákimi.

Aıta keteıik, búgin Memleket basshysy Qasym-Jomart Toqaev Úkimetke «ArselorMıttalTemirtaý» kompanııasymen ınvestıtsııalyq yntymaqtastyqty toqtatý týraly tapsyrma berdi. Keıin Úkimettiń baspasóz qyzmeti «ArselorMıttal Temirtaý» AQ-nyń menshik quqyǵyn QR menshigine qaıtarý týraly kelisimsharttyń aıaqtalýǵa jaqyn ekenin málim etti.

Búgin túnde Qaraǵandy oblysyndaǵy Kostenko atyndaǵy shahtada órt bolǵanyn buǵan deıin jazǵan edik. Saǵat 17.33-tegi málimet boıynsha 33 kenshiniń denesi tabyldy,13 adam izdestirilip jatyr. 

29 qazan Jalpyulttyq aza tutý kúni bolyp jarııalanady.