«ArselorMıttal Temirtaýda» apat boldy

TEMІRTAÝ. QazAqparat - «ArselorMıttal Temirtaýdyń» óndiris mekemesinde apat boldy, dep habarlaıdy QazAqparat tilshisi.

2022 jyldyń 26 ​​ qarashasynda №3 ázirlemelerdi úzdiksiz quıý mashınasynyń (ÁÚQM) bolat shómish qaqpasyna metaldyń tógilýi oryn aldy.

«Tehnologııalyq personal tótenshe jaǵdaıda qajetti barlyq protsedýralardy oryndady. Metall arnaıy shuńqyrǵa quıyldy. Konverter tsehy shtattyq rejımde jumys istep tur, ÁÚQM-3-ti synaqtan ótkizý jáne iske qosý jumystary júrgizilip jatyr», - dep habarlady «ArselorMıttal Temirtaý» AQ-nyń baspasóz qyzmetinen.

Kompanııa ókilderiniń aıtýynsha, apat saldarynan zardap shekkender joq.

Eske sala keteıik, 3 qarashada osy kompanııaǵa qarasty Kómir departamenttiń Lenın atyndaǵy shahtasynda metan gazynyń jarylysy bolyp, 5 kenshi qaza bolǵan edi.

Vıdeo: EGOV.PRESS