«ArselorMıttal Temirtaý» shyǵaryndylar kólemin 30% azaıtatyn boldy

QARAǴANDY. QazAqparat - QR Ekologııa, geologııa jáne tabıǵı resýrstar mınıstri Maǵzum Myrzaǵalıev Qaraǵandy oblysyna jumys saparymen bardy. «ArselorMıttal» AQ basshylyǵymen ótkizilgen jınalystyń nátıjeleri týraly ol Twitter-paraqshasynda jazdy.

«ArselorMıttal Temirtaý» AQ-nyń qorshaǵan ortaǵa shyǵaryndylardy 2025 jylǵa qaraı 30%-ǵa azaıtý boıynsha jańa josparymen tanystyq. Tabıǵatty qorǵaý sharalarynyń oryndalý merzimin qysqartyp, shyǵaryndylar kólemin tómendetý josparyna 2025 emes, 2024 jyly qol jetkizý múmkindigin birlese qarastyrýǵa kelistik»,- dep jazdy mınıstr.

Shyǵaryndylardy azaıtýdyń jańa strategııasyna sáıkes, zaýyt balama ekologııalyq sharalardy qoldanady.

Aldaǵy 5 jylda qorshaǵan ortany jaqsartýǵa kem degende 380 mln AQSh dollar ınvestıtsııa calmaq.

«Bul - shyǵaryndylardy azaıtý boıynsha qol qoıylǵan ekijaqty Memorandýmnyń aıasyndaǵy jumystyń jalǵasy. Temirtaý ekologııasy – óte mańyzdy másele. Sondyqtan shyǵaryndylardy azaıtý jumysy bizdiń qatań baqylaýymyzda bolady. Sonymen birge jergilikti qoǵam belsendileri de ahýaldy nazarda ustaıdy. «ArselorMıttal» basshylyǵy da qoǵam ókilderimen toqsan saıyn turaqty túrde kezdesip turmaq»,- deıdi Maǵzum Myrzaǵalıev.

Eske salsaq, buǵan deıin mınıstr «ArselorMıttal» basshylyǵymen jáne oblystaǵy qoǵam belsendilerimen 20 qańtarda kezdesý ótkizgen bolatyn. Sol kezde kompanııa shyǵaryndylardy 30%-ǵa azaıtý boıynsha jospardy ázirleýgǵ úsh aı ýaqyt suraǵan bolatyn.

Jyl saıyn Qaraǵandy oblysy boıynsha atmosferaǵa 590 myń tonna zııandy zattar shyǵarylady, onyń 40% astamy , ıaǵnı 247 myń tonnasy Temirtaý qalasynatıesili. Munyń 86%-y «ArselorMıttal Temirtaý» AQ zaýytynan shyǵady. (212,3 myń tonna).