«ArselorMıttal Temirtaý» kompanııasy 2 myńǵa jýyq eńbek qaýipsizdigi talabyn buzǵan
Bul týraly Ortalyq kommýnıkatsııalar qyzmetinde ótken brıfıngide TJM Ónerkásiptik qaýipsizdik komıtetiniń tóraǵasy Nyǵmedjan Maqajanov aıtty, dep habarlaıdy QazAqparat tilshisi.
Brıfıngi barysynda BAQ ókilderi byltyr «ArselorMıttal Temirtaý» kompanııasynda ónerkásiptik qaýipsizdigi talabyna sáıkes kelmeıtin qansha fakti anyqtalǵanyn surady.
«Ótken jyldyń qorytyndysy boıynsha «ArselorMıttal Temirtaý» kompanııasynda ónerkásiptik qaýipsizdik talaptaryn buzǵan 2 myńǵa jýyq derek anyqtaldy. Olardyń negizinde jaýapty organ tarapynan eskertý jasalyp, olqylyqtardy joıý jóninde sharalar qabyldaý tapsyryldy. Onda talaptardy sáıkestendirý úshin arnaıy merzim belgilenedi. Ol oryndalmaǵan jaǵdaıda aıyppul salynady jáne zańdy tulǵalar jaýapqa tartylady», - dep jaýap berdi Nyǵmedjan Maqajanov BAQ ókilderiniń saýalyna oraı.
Eske salaıyq, byltyr 3 qarashada Shahtınsk qalasyndaǵy Lenın atyndaǵy shahtada apat boldy.
Artynsha bir oqıǵa boıynsha qylmystyq is qozǵalǵan edi. Sonymen birge «ArselorMıttal Temirtaý» kompanııasynyń jumysy toqtatylýy múmkin ekeni aıtyldy.