«ArselorMıttal Temirtaý» kásipkerler quqyǵyn buzyp otyr – depýtat

ASTANA. QazAqparat – Májilis depýtaty Asqar Sydyqov Jibek Joly telearnasyna bergen suhbatynda kásipkerler quqyǵynyń tıisti deńgeıde qorǵalmaı otyrǵanyn málim etti, dep habarlaıdy QazAqparat tilshisi.

«ArselorMıttal Temirtaý» kompanııasy kásipkerlerdiń zańdy quqyǵyn buzyp otyr. Biz «Aqjol» partııasy, kásipkerler partııasy retinde jaǵdaıdy baqylap otyramyz. «ArselorMıttal Temirtaý» sekildi alpaýyt kompanııalardyń jer qoınaýyn paıdalanýdy damytý turǵysynda shaǵyn jáne orta bıznes qatar damýy tıis», - dedi Asqar Sydyqov suhbat barysynda.

Depýtattyń aıtýynsha, atalǵan kompanııa shaǵyn jáne orta kásipti damytý boıynsha jasalǵan sharttardy birjaqty tártippen ári merziminen buryn buzady.

«Olardyń ishki buıryǵy bar. Soǵan sáıkes kompanııa jasalǵan sharttardy merziminen buryn buzyp, atqarylǵan jumystyń kólemin 20%-ǵa deıin qysqartady. Shart jasalǵan, kásipkerler tarapynan barlyq mindetteme oryndaldy. Sonymen qatar kórsetilgen qyzmetter aqysyn tóleý merzimi 90-nan 120 kúnge deıin keshiktirilip otyr», - deıdi halyq qalaýlysy.