«ArselorMıttal Temirtaý» basshylyǵyn tergeý aıaqtalǵansha Qazaqstannan shyǵarmaý kerek - depýtat

ASTANA. QazAqparat – Búgin Májilistiń jalpy otyrysynda depýtat ıÝrıı Jýlın «ArselorMıttal Temirtaý» shahtalaryndaǵy apatqa qatysty másele kóterdi. Osy oraıda ol Úkimet basshysy Álıhan Smaıylovtyń atyna depýtattyq saýal joldady, dep habarlaıdy QazAqparat tilshisi.

«Osy jyldarda «ArselorMıttal Temirtaýdaǵy» apattar qalypty jaǵdaıǵa aınaldy. Tek shahtalarda 100-den astam kenshi qaza tapty. Tekserýler tipti, júzdegen, myńdaǵan talaptardy buzý derekterin anyqtamaıdy. Qaıǵyly oqıǵalar ónerkásiptegi qaýipsizdik talaptaryn qarapaıym elemeý saldarynan jıi oryn alady. Máselen, bıylǵy jazda metallýrgııa kombınaty tsehtarynyń birinde peshtiń opyrylýy saldarynan bolǵan 4 jumysshynyń qazasyna osyndaı jaýapsyzdyq sebep. Bul jaǵdaı qashanǵa deıin jalǵasady? Qaıtys bolǵan kenshiler men metallýrgterdiń jaqyndaryna el qashanǵy qaıǵyryp, kóńil aıtady?», - dedi ıÝ. Jýlın.

Osy oraıda depýtat memleket pen el azamattary bul ınvestorǵa eshteńe qaryz emes ekenin qadap aıtty. Kásiporyn jabdyqtarynyń tozýy, apattar qoǵamdy alańdatyp otyr.

«Elimizde ólim-jitim tómendep jatsa, «ArselorMıttal Temirtaýda» bul qaıǵyly jaǵdaılar sany ósip keledi. Kompanııanyń joǵary tabys alýy salyq jeńildikteri men basqa da preferentsııalar túrindegi turaqty memlekettik qoldaýdyń arqasynda múmkin boldy. Máselen, 2014-15 jyldyń ózinde ǵana memlekettik qoldaý kólemi 50 mıllıon dollarǵa jýyqtady. Osy jyldar boıy Mıttal otandyq kásiporyndardan tek paıda alyp keldi. Memleket múddesin elemeı, qabyldanǵan ınvestıtsııalyq mindettemelerdi júıeli túrde buzyp otyr. Mundaı kózqaras kásiporyndar men jalpy sala úshin teris saldarǵa ákeletini anyq», - dedi ıÝ. Jýlın.

Onyń paıymynsha, Úkimet ulttyq jáne halyqaralyq zańnamaǵa súıene otyryp, osy ınvestordan óndiristi tereń jańǵyrtýdy, qýattardy keńeıtýdi, jumysshylardyń eńbek jáne laıyqty jalaqy quqyqtaryn, sondaı-aq ekologııa normalaryn saqtaýdy qatań talap etýi kerek. Bul úshin qajetti quqyqtyq negiz bar.

«Aldaǵy ýaqytta da «ArselorMıttal» zańdarymyzdy qurmettemese jáne óz mindettemelerin oryndamasa, Úkimet menshik ıesin aýystyrý máselesin naqty túrde sheshýge kirisýi tıis. Sonymen qatar, ónerkásiptik qaýipsizdik salasyndaǵy memlekettik ınspektorlardyń qyzmetin qoldaý máselesin sheshý qajet», - dedi depýtat.

ıÝrıı Jýlınniń sózine qaraǵanda, mundaı apattarǵa qarapaıym menedjerler men jumysshylar emes, basshylyq jaýapty bolýy kerek. Shahtadaǵy jarylysty tergeý aıaqtalǵansha, «ArselorMıttal Temirtaý» kompanııasynyń top-menedjmentin Qazaqstannan shyǵarmaý kerek.

Budan buryn habarlanǵandaı, Prezıdent Qasym-Jomart Toqaev «ArselorMıttal Temirtaýǵa» keshendi tekserý júrgizýdi tapsyrdy.