«ArselorMıttal» qorshaǵan ortaǵa emıssııa shyǵarýǵa ruqsat aldy
«Arselor Mıttal» qoǵamdyq tyńdaý negizinde qorshaǵan ortaǵa emıssııaǵa ruqsat aldy. Kompanııa bastapqyda shyǵaryndylardyń joǵary standarttaryn alýǵa tyrysty. Bul iske qoǵam aralasty, onyń ishinde mınıstrlik te jaǵdaıdy baqylap otyrdy. Sóıtip «Arselor Mıttal» óz shyǵaryndylaryn 210 myń tonnaǵa deıin qysqartty», - dedi QR Ekologııa jáne tabıǵı resýrstar mınıstri Zúlfııa Súleımenova QR Úkimet otyrysynan keıin tilshilerdiń saýalyna jaýap bere turyp.
Aıta ketsek, byltyr jyl sońynda «ArselorMıttal Temirtaý» kompanııasyna 5,8 mlrd teńge aıyppul salynǵan edi.
«ArselorMıttal Temirtaý» metallýrgııalyq kesheni – Temirtaý qalasyndaǵy atmosferalyq aýany lastaýshy negizgi kásiporyn.
Onyń aýany lastaýdaǵy úlesi – 86,4 paıyz.
Jyl saıyn «ArselorMıttal Temirtaý» kásipornyna ekologııalyq baqylaý júrgiziledi.
«Bıylǵy 9 aıda aýmaqtyq ekologııa departamenti kompanııaǵa 7 josparly jáne jospardan tys tekserý júrgizdi. Onyń nátıjesi boıynsha ekologııalyq zańnamanyń buzylýy faktileri anyqtaldy. Máselen, beıorganıkalyq shań-tozańdardy normatıvten tys shyǵarǵan, buryn berilgen nusqamalardy oryndamaǵan jáne gaz shyǵatyn qurylǵylardy ustaý boıynsha tıimdi sharalar qabyldamaǵan», - degen edi Ekologııalyq retteý jáne baqylaý komıtetiniń tóraǵasy Zulfuhar Joldasov.