«ArselorMıttal» kenshileri jyl sońynda syıaqy berýdi talap etýde

QARAǴANDY. QazAqparat – Qaraǵandyda kenshilerdiń talap-usynystary boıynsha kelisý komıssııasynyń kezekti otyrysy ótti, dep habarlaıdy QazAqparat tilshisi.

Óńir basshysynyń mindetin atqarýshy Jeńis Qasymbek ótkizgen otyrys barysynda shahterlerdiń qosymsha talaptarynyń oryndalýy, onyń ishinde jalaqyny kóterý jáne jyl qorytyndysy boıynsha syıaqy tóleý máselesi talqylandy.

«ArselorMıttal Temirtaý» AQ bas dırektorynyń mindetin atqarýshy Vladımır ıAblonskıı kompanııa usynystaryn jetkizdi.

Sondaı-aq kásipodaq uıymdarynyń basshylary men shahta ókilderi óz pikirlerin bildirdi.

Kelissózder jalǵasady, olardyń nátıjesi boıynsha ózara sheshim qabyldanýy tıis.

Otyrysta kompanııa ókilderi kómir departamentiniń kásiporyndaryna jańa qyzmetkerlerdi qabyldaý týraly baıandady. Turaqty jumysqa qabyldanǵanyna qaramastan, kadr tapshylyǵy máselesi áli de bar.

Sonymen qatar kenshilerdi ınvestıtsııalyq jobalardy iske asyrý, árbir shahtanyń áleýeti tolǵandyrdy.

«Qorǵaý» kómir óndirýshileri kásipodaǵynyń tóraǵasy Evgenıı Býslaev zeınetaqy máselesiniń qalaı sheshiletini týraly aıtyp berdi.

«Qazirgi ýaqytta eńbek jáne halyqty áleýmettik qorǵaý mınıstrliginiń janynan jumys toby quryldy. Ol bizdiń ujymdardy tolǵandyratyn eki máseleni qarastyrady. Bul – zııandy jáne qaýipti óndiristerdiń qyzmetkerlerin, sondaı-aq regressııaly múgedekterdiń problemalaryn zeınetaqymen qamsyzdandyrý. Osyǵan deıin birneshe otyrys boldy. Pikirtalastar, ózekti esepteýler júrip jatyr. Árıne, jumys ońaı emes. Bizdiń kásipodaq tarapynan osy máselelerdi sheshý boıynsha birqatar usynystar jasaldy», – dedi ol.

Kelisim komıssııasy barlyq máseleler tolyq sheshilgenge deıin odan ári jumys isteıtin bolady.