«ArsellorMıttal Temirtaýǵa» 3 mlrd dollar ınvestıtsııa salý kerek – Álıhan Smaıylov

<p>&laquo;ArsellorMıttal Temirtaýǵa&raquo; keletin jańa ınsvestor 3 jylda qomaqty somada ınvestıtsııa salýy kerek. Bul týraly Májilistiń jalpy otyrysynan keıingi baspasóz máslıhatynda Premer-Mınıstr Álıhan Smaıylov aıtty, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Búgin Májilistiń jalpy otyrysynan keıin tilshiler Úkimet basshysynan «ArselorMıttal Temirtaý» kompanııasyna ınvestor retinde kimder tartylatynyn surady.

«Bul jaıynda (ınvestor týraly) jaqyn arada jarııalaımyz. Negizgi talap – 3 jyldyń ishinde kem degende úsh mlrd AQSh dollary somasynda ınvestıtsııa salý kerek. Birinshi kezekte óndiristik qaýipsizdikti qamtamasyz etý, zaýyttaǵy jabdyqtardy jańǵyrtý, óndiristi keńeıtý, áleýmettik mindetterdi oryndaý, jalaqyny tolyq tóleý eskerilgen», - dedi Á.Smaıylov.

Bul turǵyda ol atalǵan 3 mlrd dollardyń 1,3 mıllardyn birden salý kerek ekenin atap ótti.

«Sondyqtan osyndaı mańyzdy talap qoıylyp otyr. Bul salaǵa tartylatyn ınvestorda mundaı múmkindikteri bolýy tıis», - dedi Premer-Mınıstr.

Budan buryn habarlanǵandaı, Ónerkásip jáne qurylys mınıstri Qanat Sharlapaev «ArselorMıttal Temirtaýdyń» aktıvin satyp alýǵa bıýdjetten aqsha jumsalmaıtynyn aıtty.