ArsellorMıttal Temirtaý úsh jyl ishinde óndiriske 305 mlrd ınvestıtsııa salady

QARAǴANDY. QazAqparat - «ArsellorMıttal Temirtaý» AQ 2018-2020 jyldary damytý úshin Jol kartasy qabyldandy. Qujatqa kompanııanyń bas dırektory Paramjıt Kalon men Qaraǵandy oblysynyń ákimi Erlan Qoshanov, QR Investıtsııalar jáne damý boıynsha mınıstri Jeńis Qasymbek qol qoıdy, dep habarlaıdy óńir basshysynyń resmı saıty. 

Jol kartasy-2020 qujatynda «ArsellorMıttal Temirtaý» úsh jyl ishinde bolat, kómir jáne ken departamentteriniń óndiris nysandaryna 305 mlrd teńge ınvestıtsııa quıatyny kórsetilgen. 2010 jyldan bastap bul kompanııanyń óndirisin jańǵyrtýǵa baǵyttalǵan eń joǵary deńgeı bolyp otyr.

2018 jyly - 100 mlrd, al 2019 jyly - 105 mlrd, 2020 jyly - 100 mlrd teńge salynady. Óndiriste ósimdi ulǵaıtýǵa, eńbekti qorǵaýǵa jáne tehnıkalyq qaýipsizdikti saqtaýǵa, turaqty damýǵa arnalǵan sharalardy júzege asý josparlanǵan. 
Kompanııanyń josparynda shoıyn óndirisi kólemin ulǵaıtý, joǵary sapaly qurysh markasy portfolıosyn arttyrý kózdelgen. 
Ásirese ekologııa máselesine erekshe mán beriletin bolady. Baǵdarlama agloóndiristi damytýǵa jáne shań-tozańdy tastaý kólemin tómendetýge baǵyttalǵan. 

Indýstrııa 4.0 standarttary qoldanylatyn bolady.  

Foto: karaganda-region.gov.kz