Arnaıy zertteý «Bolashaq» baǵdarlamasynyń Qazaqstanǵa qanshalyqty paıda tıgizgenin anyqtaıdy - S.Nurbek

ASTANA. 18 shilde. QazAqparat - Biz irgeli bir zertteý jumystaryn ótkizip, Bolashaq» baǵdarlamasynyń 20 jyldyń ishinde elimizge qanshalyqty paıda ákelgenin anyqtap kórmekpiz.

Bul týraly búgin «Bolashaq» baǵdarlamasynyń túlekterine arnalǵan bos jumys oryndarynyń jármeńkesi aıasynda «Halyqaralyq baǵdarlamalar ortalyǵy» AQ prezıdenti Saıasat Nurbek málim etti.

Onyń aıtýynsha, baǵdarlama qolǵa alynǵan 20 jyldyń ishinde áli birde-bir ret onyń tıimdiligi zerttelgen emes. «Sol sebepti biz osyndaı zertteý jumystaryn bastap, «Bolashaq» baǵdarlamasy túlekteriniń óz eline nendeı materıaldyq jáne materıaldyq emes paıda ákelgenin anyqtap kóremiz. Shynymen de, bul úlken jumys bolmaq. Onyń nátıjesin biz qyrkúıek aıynda jarııalaýdy josparlap otyrmyz», - dep atap kórsetti S.Nurbek.