Arnaıy pedagogter daıyndaý granty eki ese kóbeıtildi
«Erekshe bilim berýdi qajet etetin balalar úshin ınklıýzıvti bilim berý tetikterin damytý óte mańyzdy. Balalardyń sapaly bilimdi alý quqyǵyn qamtamasyz etý úshin arnaıy pedagogterdi daıyndaýǵa arnalǵan grant sanyn sońǵy jylda 2 ese kóbeıttik. Erekshe balalardyń kolledjderde mamandyq alýyn qamtamasyz etý úshin qabyldaý erejelerine ózgerister engizildi. Mektepterdiń osy erekshe balalarǵa qajetti jaǵdaı jasap, olardy mektepke qabyldanýyn yntalandyrý úshin jan basyna qarjylandyrý ádistemesinde 2 ese aranaıy koefıtsent qarastyryldy», - dedi vedomstvo basshysy.
Mınıstr kópten beri kóterilip júrgen mektepterge pedagog-assıstent mamandyǵyn engizý máselesi de sheshimin tapqanyn eske saldy.
«Mektepterde pedagog-assıstent arnaıy shtatyn engizdik. Endi olar osy erekshe balalarǵa qoldaý kórsetip, birge jumys isteıdi. Ákimdikter osy PMPK (psıhologııa-medıtsına-pedagogıkalyq komıssııa ) jelisin jetildirý boıynsha jumys isteýin suraımyn. Óıtkeni Túrkistan, Almaty, Aqtóbe, Atyraý oblystarynda bul problema áli de ózekti. Eger osy balalardyń aýytqýlaryn erte jastan anyqtamaı, túzetý jumystaryn júrgizbesek, árıne, bul balalarǵa óte qıyn bolady», - dedi mınıstr.