Arnaıy operatsııalarǵa Qazaqstan áskerin qatystyrý máselesi qaraldy

ALMATY. QazAqparat - Almatyda ótken halyqaralyq ǵylymı-teorııalyq konferentsııada qazirgi áskerı shıelenister tájirıbesi boıynsha arnaıy operatsııalarǵa ásker túrlerin jumyldyrý máseleleri talqylandy. Bul týraly QazAqparat QR Qorǵanys mınıstrliginiń baspasóz qyzmetine silteme jasap habarlaıdy.

Radıoelektronıka jáne baılanys áskerı-ınjenerlik ınstıtýtynda ótken konferentsııanyń maqsaty - qazirgi ýaqytta bolyp jatqan jáne ótken áskerı shıelenister men jergilikti soǵystar aıasyndaǵy qaýipter men syn-qaterlerdi talqylaý.

Konferentsııaǵa Qazaqstan, Qyrǵyzstan, Reseı joǵary áskerı oqý oryndarynan, QR Tuńǵysh Prezıdenti - Elbasy atyndaǵy Ulttyq qorǵanys ýnıversıtetinen, Qurlyq áskerleri áskerı ınstıtýtynan, QR Ulttyq qaýipsizdik komıteti akademııasynan, QR Іshki ister mınıstrligi Almaty akademııasy men ál-Farabı atyndaǵy Qazaq ulttyq ýnıversıtetinen 130-dan astam ókil, sondaı-aq áskerı saladaǵy jetekshi ǵalymdar men sarapshylar qatysty.

Radıoelektronıka jáne baılanys áskerı-ınjenerlik ınstıtýtynyń basshysy, polkovnık A.Mustabekov konferentsııaǵa qatysýshylar aldynda sóılegen sózinde qazirgi kezdegi jergilikti soǵystar men áskerı qaqtyǵystardyń sebepterin negizdeýde Qazaqstan Respýblıkasy áskerı ǵalymdarynyń rólin, sondaı-aq olardy damytýǵa qarsy turýdyń teorııasy men tájirıbesin jasaýdyń mańyzdylyǵyn atap ótti.