Arnaıy operatsııa: OQO-da 12 adam ustaldy
18:35, 31 Qańtar 2018
ShYMKENT. QazAqparat - Ońtústik Qazaqstan oblysynda dinı alaýyzdyq týdyrýǵa qatysy bar degen kúdikpen 12 turǵyn ustaldy. Bul týraly QazAqparat tilshisi QR UQK OQO boıynsha departamentine silteme jasap habarlaıdy.
Vedomstvonyń málimetinshe, kúdiktiler Shymkentte arnaıy operatsııa barysynda qolǵa túsken.
«Arnaıy operatsııany UQK men oblystyq ІІD birlesip júrgizgen. Operatsııa kezinde dinı alaýyzdyq týdyrýǵa qatysy bar degen kúdikpen 12 turǵyn ustaldy. Olar Túrkistan, Kentaý qalalary men Arys, Shardara jáne Túlkibas aýdandarynyń turǵyndary ekeni anyqtaldy. Tergeý málimetinshe, ustalǵandar áleýmettik jelilerde ekstremıstik baǵyttaǵy materıaldar taratqan»,- delingen departament habarlamasynda.
Qazirgi tańda kúdiktilerge qatysty tergeý sharalary júrgizilýde. Olarǵa zańmen tyıym salynǵan materıaldar taratýǵa kómektesken tulǵalar da anyqtalyp jatyr.