Arnaıy operatsııa: Almatyda qarý-jaraq arsenaly tárkilendi

ALMATY. QazAqparat - Krımınaldyq polıtsııa qyzmetkerleri Almatyda arnaıy operatsııa barysynda qarý-jaraq arsenalyn tárkiledi, dep habarlaıdy QazAqparat tilshisi.

Polıtsııa departamentiniń málimetinshe, 46 jastaǵy D.esimdi azamattyń kóligi Jandosov pen ıAssaýı kósheleriniń qıylysynda ustaldy. Tergeý sotynyń ruqsatymen kólikti jáne kúdiktini tintý kezinde patrondary bar eki tapansha tabyldy jáne tárkilendi.

«D.esimdi azamattyń turǵylyqty jerinde Almaty oblysy Talǵar aýdanynda qupııa ornynan taǵy alty qarý, onyń ishinde 12 kalıbrli Vınchester, granata jáne 60 patron tabyldy. Qarý tıesiligin, shyǵýyn, sondaı-aq, qandaı da bir qylmysqa qatystylyǵyn anyqtaý úshin tárkilendi jáne sot-ballıstıkalyq saraptamaǵa jiberildi», – dedi Almaty qalalyq PD Krımınaldyq polıtsııa basqarmasynyń bastyǵy Qýatbek Naýatov.

Onyń aıtýynsha, kúdiktiniń úıinen untaq zat salynǵan tórt býma tabyldy. Medıtsınalyq saraptama kúdiktiniń ustalǵan kezde esirtkige mas bolǵanyn anyqtady.

D.esimdi azamat Polıtsııa departamentiniń ýaqytsha ustaý ızolıatoryna qamaldy.

Sotqa deıingi tergeý QR QK 287-baby 3-bóligine sáıkes júrgizilýde.