Arnaıy qosymshalar jeke adamnyń bıýdjetti josparlaýyna kómektese ala ma?

ASTANA. QazAqparat - Búgingi tańda kez kelgen adamǵa shyǵyny men kirisin baqylap otyrýǵa múmkindik beretin qarjy qosymshalary keń tanyla bastady. Mundaı qosymshalar qarajat jumsaý tártibin baqylap, adamnyń aqshany basqarýyna shynynda da kómektese ala ma? VVSbasylymynyń avtory osy suraqqa jaýap izdep kóripti.

App Annie analıtıkalyq kompanııanyń málimetterine sensek, 2018 jyly qarjy qosymshalary álem boıynsha 3,4 mıllıard paıda tapqan. Bul úsh jyl burynǵy kezeńmen salystyrǵanda 75 paıyzǵa kóp.

«AQSh-ta 18-37 jas aralyǵyndaǵy balalardyń 92%-y qarjylyq qosymshalardy paıdalanady. Mobıldik qosymshalar shyǵyndar men kiristi baqylap otyrýǵa múmkindik beredi. Biraq bul aqshany qaıda jumsap, qalaı únemdeýimizge áser ete ala ma?» dep jazady basylym.

Avtordyń aıtýynsha, arnaıy qosymsha arqyly qarjysyn baqylap júretinder basqalarǵa qaraǵanda 6-12 aı aralyǵynda shyǵynyn 7%-ǵa azaıtqan.

«Aqshańyzdy qaıda jumsap jatqanyńyzdy baqylap otyrý bıýdjet josparyn sátti qurýdyń kilti sekildi kórinýi múmkin. Eger sizge shyǵynyńyzdyń qansha ekenine únemi eskertý kelip otyrsa, ýaqyt óte kele qajetti taýarǵa aqsha jumsaýdyń ózi qıynǵa soǵady», depti mamandar.

Avtordyń jazýyna qaraǵanda, álemde adamdardyń jeke bas qaryzdary tym kóbeıip ketken. Al arnaıy qosymshalar olarǵa aqshanyń kóp bóligi qaıda jumsalatynyn baqylaýǵa kómektesip, bıýdjetti josparlaýǵa da septigin tıgizedi.