Arnaıy komıssııa SQO ózeni men kólderinde balyqtyń qyrylý sebebin anyqtady
SQO boıynsha Ekologııa departamentiniń málimetinshe, búgin vedomstvoaralyq jumys tobynyń kezekti otyrysy ótip, Qyzyljar aýdany Býgrovoe jáne osy aýdandaǵy Prýd kólderinde, Taıynsha aýdanynyń Chaglınka ózeninde balyqtyń qyrylýyna baılanysty júrgizilgen tekseristiń qorytyndysy jarııalandy. Mamandardyń boljamy rastaldy, sý jándikteri ottegi jetpeı, tunshyǵyp qyrylǵan.
«Bul sý qoımalarynyń taıaz jerleri ishinara qatyp qalǵan. Saldarynan balyq qyrylǵan. Jergilikti atqarýshy organdar Býgrovoe kólinen 550 kg, Prýd kólinen 150 kg jáne Chaglınka ózeninen 100 kg shamasynda ólgen balyqty jınap alyp, joıdy. Budan bylaı balyqtyń qyrylýyna jol bermeý maqsatynda Qyzyljar aýdanynyń Býgrovoe jáne Prýd kólderinde melıoratsııalyq aýlaý júrgizý qajet. Jergilikti atqarýshy organ osy sý aıdyndarynyń jaı-kúıine turaqty monıtorıng júrgizetin bolady», - delingen departament taratqan habarlamada.
Esterińizge salaıyq, aldymen Qyzyljar aýdanynyń Býgrovoe kólinde móńke balyǵynyń óleksesi tabyldy. Mamandar óńirdegi byltyrǵy qýańshylyq shaǵyn kólder sýynyń tartylýyna áser etkenin aıtty. Qysta olar túbine deıin qatyp, aeratsııa jumystary nátıje bermegen. Keıin óńirdiń taǵy 6 sý qoımasynda balyqtyń qyrylý deregi tirkeldi.