Arnaıy ekonomıkalyq aımaqtardyń ınvestıtsııalyq jeńildikteri qaıta saralanady

NUR-SULTAN. QazAqparat – QR Prezıdenti Qasym-Jomart Toqaev Qazaqstan halqyna Joldaýynda arnaıy ekonomıkalyq aımaqtardyń ınvestıtsııalyq jeńildikterin saralap usynýdyń tártibin ázirleýdi tapsyrdy, dep habarlaıdy QazAqparat tilshisi.

«Eń aldymen, jer qoınaýyn ıgerý isine ınvestıtsııa tartý úshin zańnamany jáne rásimderdi barynsha jeńildetý kerek. Geologııalyq aqparat týraly biryńǵaı málimetter bankin qurý jumysyn aıaqtaý qajet. Úkimetke ındýstrııa jáne jer qoınaýyn ıgerý salalarynyń ınvestıtsııalyq tartymdylyǵyn arttyrýdy tapsyramyn», - dedi Memleket basshysy.

Prezıdent byltyr barlyq arnaıy ekonomıkalyq aımaqtyń tıimdiligi baǵalanǵanyn eske saldy.

«Sonyń nátıjesinde túıtkildi tustardy anyqtap, tyń tásilderdi oılastyrdyq. Endi arnaıy ekonomıkalyq aımaqtardy damytý úshin múlde basqa saıasatqa kóshken jón. Qazirgi tańda shetel kompanııalary Qazaqstanǵa kóshe bastady. Sondyqtan bul másele tipti ózekti bolyp otyr.

Arnaıy ekonomıkalyq aımaqtarǵa ınvestıtsııalyq jeńildikterdi saralap berý kerek. Neǵurlym kóp aqsha salsań, soǵurlym kóp jeńildik alasyń degen ustanym basty qaǵıda bolýy qajet», - dedi Qasym-Jomart Toqaev.