Arnaıy ekonomıkalyq aımaqtar aýmaǵynyń 60 paıyzy bos tur - senator
Depýtat ınvestıtsııa men jańa tehnologııa tartýǵa arnalǵan tıimdi alańdardyń biri – arnaıy ekonomıkalyq aımaqtar bolýy tıis ekenin atap ótti. Alaıda júrgizilgen memlekettik aýdıt qorytyndylary boıynsha AEA-nyń tıimdiligi tómen deńgeıde qalyp otyr.
Senatordyń paıymdaýynsha, aýqymdy bıýdjettik ınvestıtsııa aıasynda sheteldik ınvestıtsııa úlesiniń tómendigi jańa tehnologııalardy engizýge jáne eksporttyq taýar óndirisin damytýǵa tikeleı áser etedi. AEA aýmaǵynda shyǵarylatyn ónimniń jalpy kólemindegi eksport úlesi orta eseppen 3,5%-dan aspaıdy. Bul rette 2017-2020 jyldardaǵy eksport quramynda ónimniń tómen bólinistegi úlesi basym bolyp otyr.
«Osynyń bári búginde AEA-nyń basym bóliginde qosylǵan quny joǵary ozyq tehnologııalyq óndiristi damytý jáne jergilikti ónimge aınaldyrý jóninde naqty maqsat qoıylmaýynyń kórsetkishi bolyp otyr. Odan basqa, AEA-ny ınfraqurylymmen qamtamasyz etý máselesi erekshe nazar aýdarýdy talap etedi. 13 AEA-nyń tek 3-i qajetti kommýnıkatsııamen tolyq qamtamasyz etilgen. Mundaı keleńsiz jaǵdaı AEA-nyń jalpy aýmaǵynyń shamamen 60%-y bos qalýyna alyp keldi, sonyń saldarynan jańa ınvestorlardy tartýdy jáne áleýetti serpindi jobalar ázirleýdi tejep otyr», - dedi senator.
Depýtat E. Sultanov osyǵan baılanysty AEA aýmaǵyndaǵy ınfraqurylym nysandarynyń qurylysyn aıaqtaýdyń egjeı-tegjeıli josparyn ázirleý, otandyq kásipkerlikke, onyń ishinde startap jobalarǵa belsendi qatysý jáne kómek kórsetý, ınvestıtsııa kólemine, salyqtar men shyǵarylatyn ónimge baılanysty beriletin jeńildikterdiń merzimderine saralaý júıesin engizý qajettigine nazar aýdardy.