Kostenko shahtasynyń 9 laýazymdy tulǵasy kúdikti dep tanylyp otyr – Bas prokýratýra
Bas prokýratýranyń baspasóz qyzmeti taratqan málimetterge qaraǵanda, 2007 jyldan beri prokýratýra organdarynda arnaıy prokýrorlar ınstıtýty jumys isteı bastady.
Arnaıy prokýrorlarǵa rezonanstyq jáne asa kúrdeli isterdi tergeý tapsyrylady.
Atap aıtqanda, olardyń tájirıbesi Aqtóbe, Atyraý jáne Jambyl qalalaryndaǵy terrorıstik aktilerdi, Almatyda terrorıst Qýlekbaevtyń beıbit azamattardy óltirýin, Arqankergendegi shekarashylar ólimi, Qordaıdaǵy tártipsizdik, Dýjnovtyń eki polıtseıdi, sot oryndaýshysy men óndirip alýshylardy atýy, kartop tuqymyn satyp alýǵa sýbsıdııa berý kezinde Qazaqstannyń jeti óńirindegi júıeli sybaılas jemqorlyqty jáne t.b. isterdi tergeýde paıdalanyldy.
Ótken 2023 jyly arnaıy prokýrorlar birqatar rezonanstyq isterdi tergeýdi aıaqtady, olar boıynsha sottalǵan:
- eks-qorǵanys mınıstri, Almaty qalasy, Almaty, Jambyl, Qyzylorda oblystarynyń polıtsııa jáne UQK departamentteriniń bastyqtary - qańtar oqıǵalary kezeńinde bılikti asyra paıdalanǵany úshin;
- «Ekibastuz JEO» basshylyǵy-jylý jelilerinde apatqa ákep soqqan nemquraılylyq úshin;
- «Satýrn 2012» JShS dırektory qarý-jaraq dúkeninde 4 adamnyń ómirin qıǵan jarylysqa jol bergeni úshin.
Sonymen qatar jappaı tártipsizdikterdi uıymdastyrýshylar - UQT jetekshisi Jumageldıev, UQK 5–shi departamentiniń burynǵy bastyǵy Ysqaqov, Almaty máslıhatynyń burynǵy depýtaty Qudaıbergenov, bandıtızm men jappaı tártipsizdikterge qatysqany úshin;
- Mahatov (Qorǵas qylmystyq isi boıynsha «agent Sanych» degen atpen belgili);
- Almaty qalasynda metro qurylysyna arnalǵan jabdyqtardy satyp alý kezinde 5 mlrd teńge jymqyrǵan «Metropolıten» basshylyǵy;
- órt sóndirý barysynda orman sharýashylyǵynyń 14 qyzmetkeri qaza tapqan Abaı oblysyndaǵy orman órti úshin «Semeı Ormany» rezervatynyń basshylary boıynsha ister sotqa joldandy.
Sondaı-aq Abaı oblysyndaǵy órtter boıynsha Ekologııa mınıstrliginiń jáne biryńǵaı energııa júıesindegi irkiliske alyp kelgen «KEGOC» pen 3-JES-tegi apat faktisi boıynsha «MAEK-Qazatomónerkásip» laýazymdy tulǵalaryna qatysty tergeý júrgizilip jatyr.
Qaraǵandy qalasyndaǵy erekshe balalarǵa arnalǵan arnaıy mekemede 14 múgedek balanyń ýlaný jáne Almatydaǵy jataqhanada 13 adamnyń ómirin qıǵan órt jaǵdaılary tergelýde.
46 kenshi qaza tapqan Kostenko atyndaǵy shahtadaǵy jarylystardy tergeý aıaqtalýǵa jaqyn. Shahtanyń 9 laýazymdy adamy kúdikti retinde tanylyp, qamaýǵa alyndy.
Memleket aktıvterin 100 mlrd teńgege jymqyrý faktilerine baǵa berilýde.
2023 jyldyń qańtarynan bastap azaptaýdy tergeý arnaıy prokýrorlardyń aıryqsha tergeýine jatqyzyldy.
2023 jyly psıhıkalyq jáne fızıkalyq zııan keltirgeni úshin kúshtik vedomstvolardyń 69 qyzmetkeri qylmystyq qýdalaý orbıtasynda boldy, jyl sońyna deıin 21 laýazymdy adam sottaldy.
Azaptaýdyń aldyn alý aıasynda keshendi jumystar júrgizilýde.
Memleket basshysynyń quqyq qorǵaý organdarynyń mekemelerin jappaı beınebaqylaýmen qamtamasyz etý jónindegi tapsyrmasynyń oryndalýy tekserildi.
Prokýratýra organdarynyń usynysy boıynsha ǵımarattardaǵy 4 myńnan astam «soqyr aımaq» joıyldy.
Azaptaýlardyń aldyn alý boıynsha tıisinshe jumys istemegeni úshin 118 qyzmetker tártiptik jaýapqa tartyldy, onyń ishinde 19 quqyq qorǵaý organdarynyń basshylary bar.
Bas Prokýratýra ІІM-men birlesip elimizdiń barlyq polıtseıleriniń qatysýymen azaptaýǵa «nóldik» tózimdilik týraly ashyq keńester ótkizdi.
Bas prokýratýranyń bastamasy boıynsha ІІM buıryǵymen azaptaýdyń aldyn alý úshin birinshi basshylar men qyzmetkerlerdiń jaýapkershiligi bekitildi.
Adam quqyqtary jónindegi Ulttyq ortalyq pen Bas prokýratýra arasyndaǵy ózara is-qımyl týraly memorandýmǵa qol qoıyldy.
Kúshtik qurylymdardyń qyzmetkerleri arasynda «azaptaýdyń aldyn alý» taqyrybynda anonımdi saýalnama júrgizildi.
Іs-sharanyń negizgi maqsaty-qyzmetkerlerdi azaptaýǵa yqpal etetin sebepter men jaǵdaılardy anyqtaý, olardy taldaý jáne aldyn alýdyń tıimdi sharalaryn ázirleý.
Saýalnama nátıjeleri boıynsha azaptaýdy joıýdyń jańa baǵyttary anyqtaldy.