Arnaıy ekonomıkalyq jáne ındýstrııalyq aımaqtardaǵy ınfraqurylymǵa 70 mlrd teńge jumsalady

<p>ASTANA. KAZINFORM &ndash; Arnaıy ekonomıkalyq jáne ındýstrııalyq aımaqtar alańdarynda jetispeıtin ınfraqurylymdy salýǵa 2024 jylǵy bıýdjetten 70 mlrd teńgeden astam qarajat qarastyrylǵan. Bul týraly QR Ónerkásip jáne qurylys mınıstri Qanat Sharlapaev málim etti.</p>

«Qazirgi kezde ınvestıtsııalardy tartý arnaıy ekonomıkalyq jáne ındýstrııalyq aımaqtardyń jumys isteýiniń negizgi maqsaty sanalady. 14 AEA aýmaǵynda jalpy 7,5 trln teńgeden astam somaǵa 354 joba iske asyrylyp, 25,5 myńnan astam jumys orny quryldy. Ónim óndirý kólemi 8,4 trln teńgegege jetip, onyń ishinde 601 mlrd teńgeniń ónimi eksporttaldy. Barlyq AEA-lar bıýdjetke 437 mlrd teńge tóledi», - dedi Q. Sharlapaev Parlament Májilisindegi Úkimet saǵatynda.

Onyń aıtýynsha, 43 ındýstrııalyq aımaqta jalpy somasy 554 mlrd teńgeden asatyn 240 joba iske asyrylyp, 14 myń jumys orny ashyldy.

Ónim óndirý kólemi 2,7 trln teńgeni qurady, onyń ishinde 196 mlrd teńgege jýyq ónim eksporttaldy. Barlyq 43 aımaqtyń múshesi bıýdjetke 116 mlrd teńge tóledi.

«Memleket basshysynyń 2022 jylǵy 1 qyrkúıektegi Qazaqstan halqyna Joldaýynda aıtylǵan tapsyrmalaryn oryndaý aıasynda AEA qyzmetin reformalaý boıynsha jańa sharalar qabyldandy. AEA jáne ındýstrııalyq aımaqtar alańdarynda jetispeıtin ınfraqurylymdy salýǵa bıylǵa arnalǵan bıýdjetten 70 mlrd teńgeden astam qarajat qarastyrylǵan», - dedi mınıstr.