Arnaıy belgi endi gazben júretin kóliktermen qatar elektromobılderge de qoıylady

<p>Arnaıy belgi elektr qýatymen júretin kólikterge de qoıylatyn boldy, dep habarlaıdy <a href="https://kaz.inform.kz/" target="_blank" rel="noopener">Kazinform</a> &laquo;Jibek joly&raquo; telearnasyna silteme jasap.</p>

Aıta keteıik, jýyrda ǵana elde gazben júretin kólikterge arnaıy belgi taǵý mindetteldi. Quzyrly organdardyń mundaı qadamǵa barýynyń basty sebebi elimizde jylyna 200-ge jýyq kólik órtenedi eken. Órtengen kólik aınalasyna da qaýip týdyrady. Sol sebepti olardy jabyq turaqtarǵa kirgizýge de tyıym salynǵan.

Elimizde kólikke gaz qurylǵylǵysyn ornatý qyzmeti lıtsenzııalanýy kerek jáne bul jumys byltyr bastalýy kerek edi. Biraq bul jumys sozylyp ketti.

Gaz baǵasy benzınge qaraǵanda 3 ese arzan. Osyǵan qaraı kópshilik te kóligine gaz ballonyn ornatýǵa qumar. Biraq, eshkim kólikke gaz ornatatyn kompanııalardyń lıtsenzııasy bar-joǵyna mán bermeıdi. Birinshi qatelik osy. Byltyr kóligine ruqsatsyz osyndaı qondyrǵy ornatqan 13 myń kólik anyqtalǵan. Onyń ishinde suıytylǵan gazǵa zańsyz kóshkenderi de bar.

QR Saýda jáne ıntegratsııa mınıstrligi Tehnıkalyq retteý jáne metrologııa komıtetiniń tóraǵasy Qýanysh Elikbaevtyń aıtýynsha, belgi taǵý kelesi jyldyń birinshi qańtarynan bastap mindetteledi. Dál qazir elimizdegi 400 myńnan asa avtokólikke gaz ballony ornatylǵan. Biraq, qurylǵylardyń barlyǵy tehnıkalyq erejelerge saı kelmeıdi. Sondyqtan suıytylǵan gazben júretin kólikke taǵylǵan belgi, basqalarǵa onyń qaýipti ekenin eskertedi. Sondaı-aq parkıng qyzmetkerleri de, arnaıy belgini kórip, gaz ballony bar avtokólikterdiń kirýine jol bermeıdi.

Jańa talaptyń gaz ballony zaýyttan ornatylǵan kólikterge qatysy joq. Al, gaz qondyryǵysyn qoldan qoıyp alyp, gazben júretin kólik ekenin bildiretin belgini taqpasa, olar 3 aılyq kórsetkish kóleminde aıyppul tóleıdi. Jalpy, kóligine gaz ornatatyndardyń deni – qarapaıym halyq. Sol úshin quzyrly organdar gazben júrgen kóliktermen emes, sol kólikterge gaz qondyrǵysyn qalaı bolsa solaı ornatatyn lıtsenzııasyz ortalyqtarmen kúresedi.

Apattyń aldyn-alý mindet. Sondyqtan, memleket gazben júretin kóliktermen qatar, elektromobılderge de talapty kúsheıtti. Tehnıkalyq erejege sáıkes, endi toqpen júretin atokólikterdi jabyq mekemelerde, parkıngterde qýattaýǵa bolmaıdy.

Іshki ister mınıstrliginiń málimetinshe, qazir elimizde 6,5 myńnan astam elektromobıl júr. Biraq, mundaı kólikterden órt shyǵa qalsa, ony sýmen óshirý múmkin emes. Sondyqtan sheteldik tájirbıeni zerdeleı otyryp, memleket qýattaý qurylǵylarynyń naqty qaı jerde jáne qalaı ornatylatyny týraly arnaıy zań ázirlep jatyr. Al, batareıalardan shyǵatyn órtti sóndirý tásilderi qazirden bastap tótenshe jaǵdaılar qyzmetiniń ókilderine túsindirilýde.