Arnaýly salyq rejımin 2023 jyldan bastap kimniń qoldanýǵa quqyǵy joq

ASTANA. QazAqparat - Salyq kodeksine shaǵyn bıznes sýbektileri úshin arnaýly salyq rejımin qoldaný kezinde ruqsat etilmegen qyzmet túrleriniń tizbesin tolyqtyrý bóliginde túzetýler engizdi. Bul týraly QR QM Memlekettik kirister komıtetinde habarlady.

2023 jylǵy 1 qańtardan bastap shaǵyn bıznes sýbektileri úshin arnaýly salyq rejımin (ASR) qoldaný kezinde ruqsat etilmegen qyzmet túrlerin tolyqtyrý bóliginde Salyq kodeksiniń normasy kúshine enedi.

Bul tizbeni tolyqtyrý, eń aldymen, bıznesti bólshekteý jolymen salyqtyq ońtaılandyrý shemalarynyń aldyn alý (onyń ishinde qosalqy jaldaý tetigin paıdalana otyryp), onyń ishinde ońaılatylǵan deklaratsııa negizinde arnaýly salyq rejımderin qoldaný maqsattarymen baılanysty.

Shaǵyn bıznes sýbektileri úshin arnaýly salyq rejımderin qoldaný boıynsha shekteý mynandaı qyzmet túrlerine qoldanylady:

- marketıngtik qyzmetterdi;

- saýda naryǵyn jalǵa berý jáne paıdalaný jónindegi,

- saýda bazarlaryna jatatyn saýda obektilerin, saýda alańy bes júz sharshy metrden asatyn statsıonarlyq saýda obektilerin, sondaı-aq olardyń aýmaǵyndaǵy saýda oryndaryn, saýda obektilerin jáne qoǵamdyq tamaqtaný obektilerin qosalqy jalǵa berý;

- eki jáne odan da kóp salyq tóleýshilerdiń osyndaı qyzmetter kórsetiletin bir qonaq úıdiń nemese jeke turǵan turǵyn emes ǵımarattyń aýmaǵynda qonaq úı qyzmetterin usyný salasyndaǵy qyzmetke qoldanylatyn bolady.

Saýda alańy bes júz sharshy metrden kem statsıonarlyq saýda obektilerine jatatyn, saýda obektilerin qosalqy jalǵa beretin salyq tóleýshiler, ony qoldanýdyń qalǵan sharttaryna sáıkes kelgen kezde shaǵyn bıznes sýbektileri úshin arnaýly salyq rejımderin qoldanýǵa quqyly.

Tıisinshe, shekteýler engizilgen joǵaryda atalǵan qyzmet túrlerin júzege asyratyn kásipkerler 2023 jyly 1 qantardan bastap jalpyǵa birdeı belgilengen salyq salý tártibine kóshýge tıis.