Armııamyzda úlken tehnıkany qoıyp, oq-dári tapshy – Aıgúl Quspan

<p>ASTANA. KAZINFORM &ndash; Qarýly kúshterge bólinetin qarajatty kóbeıtpese Qazaqstan armııacy tapshylyqtan arylmaıdy. Májilistiń [alyqaralyq ister, qorǵanys jáne qaýipsizdik komıtetiniń tóraıymy Aıgúl Quspan Jibek Joly telearnasyna bergen suhbatynda osyndaı pikir aıtty.</p>

«Úlken tehnıkany aıtpaǵanda oq-dáriniń ózi jetpeı jatyr. Olardy biz Reseıden ǵana satyp alýshy edik. Olar qazir satpaıdy. Sata almaıdy da, ózderine jetse boldy. Basqa elderden satyp alý úshin ol oq-dári bizdiń áskerdiń qolyndaǵy qarýǵa sáıkes kelýi kerek. Odan keıin baǵasy da ár túrli. Mysaly, Túrkııadan satyp alaıyq desek, qymbatqa túsedi. Sondyqtan ózimizdiń áskerı óndirisimizdi damytýymyz kerek», - dedi depýtat.

Onyń aıtýynsha, 30 jyldaǵy saıasat armııanyń qýatyn álsiretip jibergen.

«Óıtkeni biz 30 jyl jaǵamyz jaılaýda júrip, «Bizge eshkim tıispeıdi. Syrtqy saıasatymyz keremet. Bizde jaý joq» dep oılaǵan shyǵarmyz. Odan keıin sybaılas jemqorlyq bolǵanyn bilesiz. Qorǵanys mınıstrliginiń qanshama qyzmetkeri ustaldy. Burynǵy tájirıbeni umytyp qana qoımaı, jańa nárselerdi qabyldamadyq. Sondyqtan Qarýly kúshterge aqsha durys bólinbedi. Men solaı oılaımyn», - dedi Aıgúl Quspan.