Armııadaǵy tártipsizdik: Aryzdardy qabyldaıtyn saıt, mobıldik qosymsha jasaldy

NUR-SULTAN. QazAqparat - Qazaqstan Qarýly Kúshteriniń Áskerı polıtsııasy bas basqarmasy azamattardan armııadaǵy quqyq buzýshylyqtar týraly aqparat qabyldaý úshin mobıldik qosymshasy bar askeri-senim.kz saıtyn ázirledi, dep habarlaıdy QazAqparat.

«Paıdalanýshylar áskerı polıtsııa organdaryna elektrondyq formatta orny men ýaqytyna, tergeý júrgizilýine, sondaı-aq habarlanatyn málimetterdiń tolyqtyǵyna qaramastan, jasalǵan nemese jasaýǵa árekettenip jatqan kez kelgen quqyq buzýshylyq týraly tikeleı habarlamalardy joldaı alady. Saıtta mobıldik qosymsha barlyq Android jáne IOS qurylǵylaryna ornatylyp, qosa jumys isteıdi. Qosymshany askeri-senim.kz saıtynan júktep alýǵa bolady», - delingen QR Qorǵanys mınıstrliginiń habarlamasynda.

Áskerı polıtsııa bas basqarmasynyń málimetinshe, «Áskerı senim» jobasy armııadaǵy quqyqtyń tártipti qamtamasyz etý, habarlamalardy qabyldaý, esepke alý jáne baqylaý protsesin avtomattandyrý, quqyq buzýshylyqty jasaý faktilerine den qoıý sapasy men jedeldigin arttyrý jáne olardan saqtandyrý týraly jańa aqparat kózderin engizý maqsatynda iske asyryla bastady.

Paıdalanýshy jeke kabınette taǵaıyndalǵan jaýapty laýazymdy tulǵamen jasyryn hat almasyp, ótinishtiń qaralý statýsy men jaýaptardy qadaǵalaı alady. Ótinish statýsynyń ózgergeni, jaýapty laýazymdy adamnyń taǵaıyndalǵany jáne onyń jaýaptary týraly ózekti derekter elektrondyq poshtaǵa kelip túsedi. Paıdalanýshylarǵa yńǵaıly bolý úshin jeke kabınette dıalogtardy izdeýge jáne retteýge bolady.