Armııada úzdik boksshyny anyqtaıtyn týrnır ótip jatyr
Bul bokstan chempıon ataný úshin atalmysh sport túrinde ofıtserler, kelisimshart boıynsha jáne merzimdi qyzmettegi áskerı qyzmetshiler, úzdikter bas qosatyn saıys. Bıyl Qurlyq áskerleriniń Áskerı ınstıtýty, Kadet korpýsy jáne QR ІІM Ulttyq ulan komandalary týrnırge alǵash ret qatysyp otyr.
Týrnır Halyqaralyq boks federatsııasynyń AIBA halyqaralyq erejeleri boıynsha ótkiziledi. Bylǵary qolǵap sheberleri árqaısysynda 10 áskerı qyzmetshiden quralǵan komanda quramynda usynylǵan jáne 56, 60, 64, 69, 75, 81, 91 kelige deıin jáne 91 keliden joǵary segiz salmaqtyq sanatta óner kórsetedi.
QR QK Qurlyq áskerleri bas qolbasshysynyń basqarmasynda atap ótkendeı, bokstan týrnır bolashaǵynan zor úmit kúttiretin sportshylardy, Qarýly kúshterdiń qurama komandalaryn jasaqtaý úshin kandıdattardy irikteýge, áskerı qyzmetshilerdiń sporttyq sheberlikteri men áskerı sportshylar men tóreshilerdiń kásibı synyptylyqtaryn arttyrýǵa baǵyttalǵan. Dástúrge aınalǵan saıys qazaqstandyq armııanyń áskerı qyzmetshileri arasynda atalmysh sport túrin dáripteýge jáne salaýatty ómir saltyn nasıhattaýǵa yqpal etedi.