Armııa sportshysy grek-rım kúresinen QR chempıony atandy

ASTANA. QazAqparat - QR Qorǵanys mınıstrligi Armııa ortalyq sport klýby Sport komıtetiniń sportshylary grek-rım kúresinen Qazaqstan Chempıonatynyń alǵashqy kúninde joǵary nátıjeler kórsetti, dep habarlady vedomstvonyń baspasóz qyzmetinen.

Taraz qalasynda eresekter arasyndaǵy grek-rım, erkin jáne áıelder kúresinen Qazaqstan Chempıonatynyń birinshi kúni óz máresine kelip jetti. Chempıonat segiz salmaqtyq dárejede ótýde. Saıystyń birinshi kuninde chempıonattyń alǵashqy jeńimpazdary anyqtaldy. 59 kelige deıingi salmaqta AOSK shtattyq komandasynyń sportshysy Dastan Óskenbekov Qazaqstannyń chempıony atandy. 71 kelige deıingi salmaqta AOSK-nyń merzimdi qyzmettegi áskerı qyzmetshisi qatardaǵy jaýynger Ómirzaq Ábýnasyr kúmis júldegeri atandy.
Jarys Birikken kúres áleminiń (UWW) qoldanystaǵy qaǵıdalary men erejelerine sáıkes ótkiziledi. Tóreshilik etýdiń sapasyn arttyrý úshin týrnırge Iran, Ońtústik Koreıa, Italııa, Mońǵolııa jáne Belorýs eliniń halyqaralyq dárejedegi tóreshileri shaqyryldy. Odan keıin olar qazaqstandyq mamandarǵa semınarlar ótkizedi.