Armııa sportshysy dzıýdodan Qazaqstan chempıony atandy
66 keli salmaqtaǵy QR QM Armııa ortalyq sport klýby shtattyq komandasynyń sportshysy efreıtor Meıirjan Qaltaev respýblıka chempıony atandy. Dál osy salmaqtaǵy armııa sportshysy Gýmar Qyrǵyzbaev kúmis medaldi enshiledi. 60 keli salmaqtaǵy efreıtor Gýsman Qyrǵyzbaevqa qola júlde buıyrdy.
«Dene daıarlyǵy - armııanyń jaýyngerlik qabilettiliginiń kepili. Qazaqstannyń Qarýly Kúshterinde salaýatty ómir saltyn dáripteý jáne áskerı qyzmetshiler arasyndaǵy sportty damytýǵa erekshe kóńil bólinedi. Tıisti oqý-materıaldyq bazanyń, jattyqtyrý sporttyq múkámmaldyń bolýynyń arqasynda biz respýblıkalyq jáne halyqaralyq saıystarda úzdik nátıjelerge qol jetkizý maqsatynda dene mashyǵyn damytamyz», - dep jeńiske qol jetkizgen efreıtor Meıirjan Qaltaev alǵan áserimen bólisti.
Sonymen qatar, aldaǵy eki kúnde respýblıka chempıonatyn ótkizý aıasynda armııalyq dzıýdoshylar qosymsha eki salmaqtyq sanatta usynylatyn bolady.