Armııa sportshylary halyqaralyq jarystardan «kúmis» jáne «qola» medal ákeldi
Mınıstrliktiń baspasóz qyzmetiniń habarlaýynsha, áskerı qyzmetshiler taýly úshsaıys jáne áskerı-qoldanbaly kópsaıys boıynsha TMD dostastyq armııasynyń eki chempıonatynda kúsh synasyp, kúmis jáne qola medaldardy qanjyǵalaryna baılady. Sonymen, Kabardın-Balqarda taýly úshsaıys boıynsha TMD dostastyq armııasynyń chempıonaty ótti. Oǵan Reseı Federatsııasy, Ońtústik Osetııa men Qazaqstannyń komandalary qatysty. Taýdaǵy daıarlyq boıynsha QR QM AOSK shtattyq komandasynyń sportshylary kishi serjant Artem men Nıkıta Devıaterıkovtar, sondaı-aq, AOSK sport rotasynyń qatardaǵy jaýyngeri Roman Kostıýkov Qazaqstan armııasynyń namysyn qorǵady.
Chempıonat úsh kezeńde ótti. Birinshi - jeke órmeleý jáne eki adamnyń baılaýly kúıde órmeleýi. Ekinshi kezeńde sportshylarǵa 12 kedergisi bar qatty júrip ótilgen jerde 370 metrdi eńserýge týra keldi. Taýly úshsaıystyń úshinshi kezeńi shtattyq qarýdan oq atýmen 5 shaqyrymdyq marsh júgirý boldy. Árbir sportshy ıyqtaǵy 15 kelilik júkpen tolyq áskerı jaraqtandyrýda óner kórsetti.
«Biz úshin eń kúrdeli kezeń kedergiler jolaǵy boldy. Óıtkeni, ol jerde bir nársege alańsyz oılanýymyzǵa múmkindik bolǵan joq. Kedergilerdiń árbireýine barynsha kúsh-jigerimizdi salý qajet boldy. Jalpy, biz nátıjemizge razymyz. Talpynatyndaı baǵyt-baǵdarymyz ári jumys jasaıtyndaı kemshiń tustarymyz da barshylyq», - dedi komanda kapıtany kishi serjant Artem Devıaterıkov. Chempıonat qorytyndysy boıynsha jalpykomandalyq esepte bizdiń komanda ekinshi orynǵa ıe boldy. Sportshylar Ońtústik Osetııan quramasyn artta qaldyrdy. Alaıda, reseılik sportshylardyń komandasyna jol berdi.
9 shilde kúni Mınskide (Belarýs) áskerı-qoldanbaly kópsaıys boıynsha TMD dostastyq armııasynyń chempıonaty aıaqtaldy. Munda armııa sportshylary Reseı, Belarýs, jáne Qyrǵyzstannyń áskerı qyzmetshilerimen saıysty. Jarystar sporttyń bes túri boıynsha ótti. Beltemirge tartylý, qashyqtyqqa F-1 granatasyn laqtyrý, 400 m, 100 jáne 3000 metrge júgirý úılesiminde kedergiler jolaǵyn eńserý. Nátıjesinde Qazaqstan quramasynyń áskerı qyzmetshileri júldeli oryndardy Reseı jáne Belarýs komandalarymen ózara bólisti.