«Armııa - 2016» forýmynda qazaqstandyq barlaý aspaptary kórsetiledi

ASTANA. QazAqparat - «Qazaqstan Aselsan Injınırıng» (KAE) JShS «Armııa - 2016» halyqaralyq áskerı-tehnıkalyq kórmesinde óndiriletin ónimniń negizgi qataryn pash etýdi josparlap otyr.

QR Qorǵanys mınıstrliginiń baspasóz qyzmetiniń habarlaýynsha, kásiporyn túngi kórý kózdeýishterin, jylý vızııalyq júıelerdi, sondaı-aq, «Qazaqstan Paramaýnt Injınırıng» kompanııasynyń «Arlan» jaýyngerlik dóńgelekti mashınasyna kiriktirilgen, turaqtandyrylǵan qashyqtyqtan basqarylatyn jaýyngerlik modýldi usynady.

Jaýyngerlik modýl qashyqtyqtaǵy atysty júrgizýge jáne nysananyń qosaqtalýy, táýliktiń kez kelgen ýaqytynda qolaısyz aýa raıy jaǵdaıynda kózdemeli oq atý úshin arnalǵan. Sonymen qatar, «KAE»  forýmǵa qatysýshylar men qonaqtarǵa barlaý jáne baqylaý aspaptaryn kórsetedi. «Armııa - 2016» ekinshi halyqaralyq áskerı-tehnıkalyq forýmy qyrkúıektiń 6-y men 11-i aralyǵynda Máskeý oblysynda ótedi.