Armenııanyń burynǵy prezıdenti Serj Sargsıanǵa aıyp taǵyldy

EREVAN. QazAqparat – Armenııanyń úshinshi prezıdenti Serj Sargsıanǵa aıyp taǵyldy. Bul týraly Armenııanyń Arnaıy tergeý qyzmetiniń baspasóz qyzmeti málim etti, dep habarlaıdy QazAqparattyń menshikti tilshisi.

Qylmystyq is boıynsha tergeý barysynda Serj Sargsıanǵa 38-179-baptyń 3-bóliginiń 1- tarmaǵymen aıyp taǵylǵan, delingen Armenııanyń Arnaıy tergeý qyzmeti taratqan habarlamada.

Serj Sargsıanǵa prezıdent bolǵan kezinde bir top adammen birlese otyryp memleket qarjysyn asa iri kólemde jymqyrý úshin laýazymyn paıdalanǵan degen aıyp taǵylyp otyr. Qarjy - 489 160 310 dram (1 mln dollar shamasynda), delingen vedomstvo habarlamasynda.

S.Sargsıannan eshqaıda ketpeý týraly qolhat alynǵan.

Avtory Azamat Álmaǵambetov