Armenııaǵa «Spýtnık V» vaktsınasynyń alǵashqy iri partııasy jetkizildi
8 sáýirge qaraǵan túni Armenııaǵa «Spýtnık V» vaktsınasynyń alǵashqy iri partııasy 15 myń doza jetkizildi. Vaktsına tıelgen júkti áýejaıdan Armenııadaǵy Reseı elshiliginiń keńesshisi Pavel Kýrochkın, Armenııa Respýblıkasy Densaýlyq saqtaý mınıstrligi Aýrýlardy baqylaý jáne aldyn alý ulttyq ortalyǵynyń bas dırektory Artavazd Vanıan jáne «Rossotrýdnıchestvo»-nyń Erevandaǵy ókili Andranık Arzýmanıan kútip aldy.
«Eń aldymen, halyqtyń qaýip aımaǵynda turǵan toby vaktsınalanady. Bul Reseı tarapynan koronavırýs pandemııasymen kúreste Armenııaǵa kórsetken keń aýqymdy qoldaýynyń jalǵasy ekenin atap ótkim keledi», - dep málimdedi Pavel Kýrochkın.
Keshe Armenııanyń Premer-mınıstri Nıkol Pashınıan Reseıge jumys sapary barysynda Erevan reseılik vaktsınanyń alǵashqy partııasyn kútip otyrǵanyn málimdegen bolatyn. Armıan Mınıstrler kabıneti basshysynyń aıtýynsha, Armenııaǵa vaktsınanyń mıllıonnan astam dozasy qajet.