Armenııadan ákelingen sary nómirli kólik ıeleri salyqty qaı elge tóleıdi

NUR-SULTAN. QazAqparat – QR Qarjy mınıstrligi Memlekettik kirister komıteti basqarma basshysynyń orynbasary Aınur Sartaeva Armenııadan ákelingen sary nómirli kóliktiń salyǵy qaı eldiń bıýdjetine tólenetinin atady, dep habarlaıdy QazAqparat tilshisi.

«Sary nómir alyp, ýaqytsha tirkeýge turǵan armenııalyq kólikterdiń ıeleri Qazaqstannyń bıýdjetine kólik salyǵyn tóleýge mindetti ekenin esterińizge salǵymyz keledi. Mindetti túrde kólik salyǵyn tóleısizder. Eki eldiń arasyndaǵy kelisimge baılanysty bul kólikter Armenııada kólik salyǵynan bostaylady. ıAǵnı, tek qazaqstan bıýdjetine ǵana kólik salyǵyn tóleıdi», - dedi Aınur Sartaeva vedomstvo uıymdastyrǵan onlaın brıfıngide.

Sondaı-aq, ol shetelden ákelingen kólikti alǵashqy tirkeý alymy nege joǵary ekenin túsindirdi.

«Alǵashqy memlekettik tirkeý alymy kólikti tirkegen kezde tólenedi. Tirkeý jasaǵan kezde ishki ister organdarynyń ókilderi osy tólemdi talap etedi. Baıqasańyzdar, alǵashqy tirkeý alymynyń quny kóliktiń shyǵarylǵan jyly eskirgen saıyn joǵary bola túsedi. Zaýyttan shyqqanyna 3 jyldan artyq ýaqyt ótken sheteldik kólik ákelseńiz, alǵashqy tikreý alymy 1,4 mln teńgeden asady. Al sý jańa kólik ákelseńiz, tirkeý alymyn tólemeısiz. ıAǵnı, eski kólikterdi ákelmeý maqsatynda osylaı jasalǵan bolsa kerek», - dedi Memlekettik kirister komıtetiniń ókili.