Armenııadan ákelingen kólikterdi tirkeý aıaqtalýǵa jaqyn

KÓKShETAÝ. QazAqparat – Aqmola oblystyq Polıtsııa departamenti jeke menshiginde armıan kóligi bar turǵyndarǵa olardy tirkeýden ótkizýde ýaqyt sozbaýǵa keńes berdi, dep habarlaıdy QazAqparat Polisia.kz saıtyna silteme jasap.

Eske sala keteıik, Armenııadan ákelingen kólik quraldaryn tirkeý eldiń barlyq óńirinde 1 qyrkúıekke deıin júrgiziledi. Tirkeýge jatatyn kólikter: Armenııanyń ýákiletti organynda Qazaqstan azamattarynyń atyna tirkelgen jáne 2020 jylǵy 1 aqpanǵa deıin elimizge ákelingen rýli sol jaqta ornalasqan avtomobılder. Bul rette, zańda kózdelgen bastapqy tirkelgeni úshin alym, ýtılızatsııalyq alym jáne kedendik baj alynyp tastalǵan. Budan basqa, osy tirkeý naýqany aıasynda aldaǵy ýaqytta qandaı da bir ózge alymdardy tóleý boıynsha eshqandaı mindetteme týyndamaıdy.

Aıta ketý kerek, 1 maýsymnan bastap Aqmola oblysy boıynsha qajetti qujattardy usynǵan jáne memlekettik baj salyǵyn tólegen 231 adam kólik quralyn tirkegen. Esepke alynǵan kólikterge sary nómir beriledi. Rýli oń jaqta ornalasqan avtokólikter tirkeýge jatpaıdy.

Búgingi tańda Mamandandyrylǵan halyqqa qyzmet kórsetý ortalyǵyndaǵy Call-ortalyqta 87766343168; 87750364173 nómirleri boıynsha túsindirý jumystary júrgizilýde.