Armenııadaǵy parlamenttik saılaý: 49,4% saılaýshy daýys berdi

EREVAN. QazAqparat - Armenııada saǵat 20:00-de (Nur-Sultan ýaqytymen 22:00) kezekten tys parlamenttik saılaýda daýys berý aıaqtaldy. Saılaýshylardyń qatysýy 49,4% qurady. Bul týraly OSK aqparat ortalyǵynda Ortalyq saılaý komıssııasynyń tóraǵasy Tıgran Mýkýchıan málimdedi, dep habarlaıdy QazAqparat tilshisi.

Kezekten tys parlamenttik saılaýda daýys berý jergilikti ýaqyt boıynsha 20:00-de aıaqtaldy. Saılaý komıssııalary daýys sanaýdy bastap ketti. Armenııa OSK málimetine saı, jalpy saılaýshylardyń 49,4% osy saılaýǵa qatysty.

Daýys berý quqyǵyn 1 281 174 saılaýshy paıdalandy.

Aıta keteıik, 20 maýsymda Armenııada kezekten tys parlamenttik saılaý ótti.

Armenprestiń habarlaýynsha, saılaýǵa 25 saıası kúsh qatysady: 21 partııa jáne 4 blok.

Polıtsııa jarııalaǵan málimetterge sáıkes, Armenııa Respýblıkasynyń saılaýshylar tizilimine engen saılaýshylardyń jalpy sany 2 mıllıon 578 myń 678 adamdy quraıdy. Saılaý ýchaskesinde saılaýshylar qatysatyn saıası kúshterdiń sanyna sáıkes bıýlletender alady, olardyń bireýin ǵana tańdap, konvertke salyp, daýys berý jáshigine tastaıdy. Saılaýshylar bıýlletenderge qalammen eshqandaı belgi qoımaıdy.

Saılaýdy baıqaýdy 8 halyqaralyq jáne 19 jergilikti uıym júzege asyrady.
Avtor: Azamat Almaganbetov