Armenııada tótenshe jaǵdaı rejımi 13 maýsymǵa deıin sozyldy

EREVAN. QazAqparat – Armenııada tótenshe jaǵdaı rejımi taǵy bir aıǵa sozyldy. Mundaı sheshim beısenbi kúni Armenııa úkimetiniń otyrysynda qabyldandy. Bul týraly QazAqparattyń menshikti tilshisi habarlaıdy.

Armenııa úkimetiniń sheshimi boıynsha, elde tótenshe jaǵdaı rejımi taǵy bir aıǵa – 13 maýsymǵa deıin sozyldy. Sheshimge sáıkes, koronavırýs ınfektsııasyna baılanysty tótenshe jaǵdaı turǵyndardyń ómiri men densaýlyǵyna qaýipti, TJ rejımin jarııalaýǵa sebep bolǵan jaǵdaılar áli qalypqa keltirilmegen.

Armenııa premer-mınıstri Nıkol Pashınıannyń aıtýynsha, úkimet buǵan deıin alyp tastaǵan shekteý sharalaryn qaıta engizbeıdi. Onyń sózinshe, úkimettiń strategııasy – turǵyndardy qaýipsizdik erejelerin saqtaýǵa shaqyrý, keı jaǵdaılarda tipti mindetteý.

«Armenııada 1500 naýqasta aýrý belgileri baıqalsa, shekteý rejımine qaıta oralýǵa májbúr bolamyz. Qazirgi ýaqytta 600 patsıent medıtsınalyq kómekke zárý», - dep atap ótti Nıkol Pashınıan.