Armenııada shetel azamattary da tegin vaktsına saldyra alady

EREVAN. QazAqparat – Armenııa aýmaǵyndaǵy endi shetel azamattar da koronavırýsqa qarsy vaktsınany tegin ala alady. Armenııanyń Densaýlyq saqtaý mınıstrligi 18 jastan asqan barlyq tulǵany vaktsınalaýǵa kiristi.

Bul týraly Armenııanyń Densaýlyq saqtaý mınıstrliginiń baspasóz qyzmeti málim etti, dep habarlaıdy «QazAqparat» HAA menshikti tilshisi.

«18 jastan asqan barlyq azamat tirkelý ornyna qarmastan kez-kelgen emhanadan koronavırýsqa qarsy vaktsınanany saldyra alady. Vaktsına shetel azamattary úshin de tegin bolady. Vaktsınalanatyn emhanalarda senbi jáne jeksenbi kúnderi de saǵat 10:00-den 16:00-ge deıin kezekshilik uıymdastyrylǵan», - dep habarlady Armenııanyń densaýlyq saqtaý mınısntrliginiń baspasóz qyzmeti.

Armenııada COVID-19-ǵa qarsy vaktsınalaý erikti túrde ótýde. Bastapqyda Armenııaǵa «Spýtnık V» vaktsınasynyń synama partııasy jetkizilgen bolatyn. Armenııaǵa 28 naýryzda «Astra Zeneca» vaktsınasynyń birinshi partııasy (24 myń doza), al 8 sáýirde «Spýtnık V» vaktsınasynyń iri partııasy (15 myń doza) jetkizildi. 1 mamyrda Armenııaǵa Qytaı Halyq Respýblıkasynyń úkimeti syıǵa tartqan «KoronaVak» vaktsınasynyń 100 myń dozasy keldi.

Azamat Álmaǵambetov