Armenııada saýda ortalyǵyndaǵy jarylystan qaza tapqandar sany 15-ke jetti

EREVAN. QazAqparat – Armenııa astanasy – Erevandaǵy «Sýrmalý» saýda ortalyǵynda bolǵan jarylys saldarynan qaza bolǵandar sany 15 adamǵa jetti. Bul týraly seısenbi kúni Armenııa Tótenshe jaǵdaılar mınıstrligi málim etti, dep habarlaıdy QazAqparat DW-ge silteme jasap.

Іzdestirý-qutqarý jumystary barysynda 15 adamnyń máıiti tabyldy.

Erevannyń medıtsınalyq mekemelerine 60 zardap shegýshi júgindi, olardyń 12-si emdelýde, 48-i aýrýhanadan shyǵaryldy.

16 tamyz kúni tańerteńgi jaǵdaı boıynsha 18 adam habar-osharsyz ketken. Armenııa TJM baspasóz hatshysy Aıka Kostanıannyń aıtýynsha, olardyń arasynda bir Reseı azamaty bar. Sondaı-aq tizimde taǵy bir sheteldik, Iran azamaty bar. Qalǵandary – Armenııa azamattary.

Oqıǵa ornyndaǵy jumystarǵa 185 qutqarýshy, 20 sý tasyǵysh, Erevan merııasynyń qosymsha 7 tehnıkasy jumyldyryldy.

Armenııa Tótenshe jaǵdaılar mınıstrliginiń aldyn ala málimeti boıynsha, 14 tamyzda saýda ortalyǵynyń pırotehnıkalyq zattar qoımasynda joıqyn jarylys bolǵan. Órt shyǵyp, ǵımarattyń bir bóligi opyrylyp qulaǵan. Úıindiler 8000-9000 sharshy metr aýmaqty alyp jatyr.

Foto:dw.com