Armenııada parlamenttik saılaýdyń aldyn ala qorytyndysy jarııalandy

EREVAN. QazAqparat – Armenııanyń Ortalyq saılaý komıssııasynyń tóraǵasy Tıgran Mýkýchıan eldegi kezekten tys parlamenttik saılaýdyń aldyn ala qorytyndysyn jarııalady. Komıssııa derekterine saı, Nıkol Pashınıannyń «Grajdanskıı dogovor» partııasy 53,92% daýys jınap, jeńiske jetip tur, dep habarlaıdy QazAqparattyń menshikti tilshisi.

Armenııanyń eks-prezıdenti Robert Kocharıannyń «Aıastan» («Armenııa») blogy 21,04% daýys jınap, ekinshi orynǵa jaıǵasty. Eldiń Ulttyq qaýipsizdik qyzmetiniń eks-basshysy Artýr Vanetsıannyń blogy «Chest ımeıý» 5,23% daýyspen úshinshi orynda.

«Ortalyq saılaý komıssııasy jarııalaǵan saılaýdyń aldyn ala qorytyndysy boıynsha, «Grajdanskıı dogovor» partııasy jańadan saılanatyn parlamentte konstıtýtsııalyq kópshilik bolmaq (105-ten 71 depýtattan kem emes) jáne meniń basshylyǵymmen jańa úkimet qurady», - dep jazdy Twitter-de Armenııa Respýblıkasy premer-mınıstriniń mindetin atqarýshy Nıkol Pashınıan.

Eske sala keteıik, 20 maýsym kúni Armenııada kezekten tys parlamenttik saılaý ótti. Oǵan 25 saıası kúsh qatysty. Olardyń 21-i partııa, qalǵan tórteýi – bloktar.