Armenııada koronavırýsty juqtyrǵandar sany 20 myńǵa jýyqtady

EREVAN. QazAqparat – Armenııada koronavırýs ınfektsııasyna shaldyqqandar sany 20 myńǵa jetti. Ótken táýlikte jańadan 560 jaǵdaı tirkeldi, dep habarlaıdy «QazAqparat» HAA menshikti tilshisi.

Aýrýlardy baqylaý jáne aldyn alý ulttyq ortalyǵynyń málimetinshe, 21 maýsymdaǵy derekke sáıkes, Armenııada koronavırýsty juqtyrǵandar sany 20268-di qurady. Onyń ishinde jazylyp shyqty – 9002 adam, 10802-si emin jalǵastyrýda. Elde indetten 350 adam qaıtys boldy.

Budan bólek, epıdemııa kezinde COVID-19-dy juqtyrǵan 114 naýqas ózge sebeptermen kóz jumdy.

Eske salaıyq, Armenııada koronavırýsqa baılanysty bıylǵy 16 naýryzdan bastap tótenshe jaǵdaı rejımi engizildi.

24 naýryz - 12 sáýir aralyǵynda halyqtyń erkin júrip-turýyna jáne ekonomıkalyq qyzmettiń jekelegen túrlerine tyıym salyndy.

4 mamyrdan bastap azamattardyń erkin júrip-turýyna jáne ekonomıkalyq qyzmettiń barlyq derlik túrine qaıta ruqsat etildi.

15 mamyrda qoǵamdyq kólik, saýda ortalyqtary, sportzaldar, balabaqshalar, tamaqtaný oryndary jumysyn bastady.

25 mamyrdan beri maskalyq rejım engizildi. Medıtsınalyq betperdeni óz úıińnen basqa barlyq jerde taǵyp júrý – mindetti talap.