Armenııada koronavırýs juqtyrǵandar sany 64-ke jetti
Premer-mınıstr Nıkol Pashınıannyń aıtýyna qaraǵanda, naýqastar sanynyń artýy vırýsty juqtyrǵandarmen baılanysta bolǵan jáne birge oqshaýlanyp jatqan adamdardy testten ótkizýmen baılanysty.
Osy kúnge deıin Armenııada koronavırýs juqtyrýdyń 64 oqıǵasy anyqtaldy.
«17 naýryz kúni saǵat 12:00-degi (Nur-Sultan ýaqytymen saǵat 14:00) jaǵdaı boıynsha, testileýden keıin vırýsty juqtyrýdyń jańadan 12 oqıǵasy tirkeldi. Onyń altaýy Echmıadzın qalasynda bolsa, qalǵan altaýy Erkvendegi kásiporyn jumysshylary. Barlyq naýqas bastapqyda oqshaýlanǵan. Qazirgi ýaqytta bizde 64 jaǵdaı tirkeldi, onyń bireýi jazylyp ketti», - dedi Armenııa Densaýlyq saqtaý mınıstrliginiń baspasóz qyzmetinen.
Sondaı-aq, tótenshe jaǵdaı rejımi jaǵdaıynda jumys isteıtin komendatýranyń basshysy, vıtse-premer Tıgran Avınıan 17 naýryzdan bastap Armenııaǵa kirýge tyıym salynatyn elderdi atady. Bul elderden kelgen Armenııa azamattary mindetti túrde eki aptalyq karantınnen ótýi kerek. Bul memleketterge Qytaı, Iran, Ońtústik Koreıa, Japonııa, Italııa, Ispanııa, Frantsııa, Germanııa, Shveıtsarııa, Danııa, Avstrııa, Belgııa, Norvegııa, Shvetsııa, Nıderlandy, Ulybrıtanııa kiredi.
Eske salaıyq, Armenııada koronavırýs juqtyrǵan alǵashqy jaǵdaı 1 naýryzda tirkeldi. Eki aptalyq karantınnen keıin naýqas aýrýhanadan jazylyp shyqqan.
El úkimeti 16 naýryz ben 14 sáýir aralyǵynda tótenshe jaǵdaı engizdi.